Japonııa álemdegi ekonomıkalyq úshinshi ornyn Germanııaǵa berdi

<p>Japonııa álemdegi úshinshi ekonomıka mártebesin Germanııaǵa berip, ótken jyldyń sońǵy toqsanynda ishki suranystyń álsizdiginen retsessııaǵa ushyrady, dep jazady <a href="https://english.kyodonews.net/news/2024/02/390fe713c8d7-urgent-japans-economy-contracts-annualized-real-04-in-oct-dec.html" target="_blank" rel="noopener">Kyodo News</a>.</p>

Japonııanyń nomınaldy jalpy ishki ónimi (JІÓ) ınflıatsııany eseptemegende 4,21 trln dollardy qurady. Bul kórsetkish boıynsha Japonııa dúnıejúzinde Germanııadan (4,46 trln dollar) keıin tórtinshi orynǵa shyqty. Bul - ulttyq valıýtanyń kúrt quldyraýy esebinen boldy.

Mınıstrler kabınetiniń málimetine sáıkes, qazan-jeltoqsan aılarynda ekonomıka aldyńǵy toqsanmen salystyrǵanda 0,1%-ǵa jáne bir jylmen salystyrǵanda 0,4% qysqardy, óıtkeni úı sharýashylyqtary men bıznestiń shyǵyndary ınflıatsııa jaǵdaıynda tómendedi.

Eldegi jeke tutynýshylyq 0,2% tómendedi, úı sharýashylyqtary ómir súrý qunynyń ósýimen jáne naqty jalaqynyń tómendeýimen kúresedi.

Kúrdeli shyǵyndar da 0,1%-ǵa qysqardy.

Memlekettik ınvestıtsııalar 0,7%-ǵa qysqaryp, eki toqsan qatarynan tómendedi.

Іshki suranystyń álsizdigine qaramastan, kelý týrızminiń qalpyna kelýine baılanysty eksport ósýdi jalǵastyryp, 2,6%-ǵa ósti.