Japonııa 26 shildeden bastap vaktsına pasportyna suranys qabyldaı bastaıdy

TOKIO. Kyodo-QazAqparat - 26 shildeden bastap Japonııa shetelge shyǵý úshin COVID-19-qa qarsy tolyq ekpe alǵan adamdarǵa vaktsına pasportyn berýdi bastaıdy, dep habarlaıdy QazAqparat Kyodo agenttigine silteme jasap.

Bul týraly jeksenbide úkimettiń joǵary laýazymdy ókili málim etti.

Úkimet sondaı-aq, bıznes-qoǵamdastyqtyń suraýyna oraı mundaı sertıfıkattardy ishki ekonomıkalyq qyzmetke paıdalaný kerek pe degen máseleni de qarastyryp jatyr, dep málimdedi NHK baǵdarlamasynda mınıstrler kabınetiniń bas hatshysy Katsýnobý Kato.

Katonyń aıtýynsha, sertıfıkattar shilde aıynyń sońyna deıin qaǵaz túrinde beriledi. Al sandyq format keıinirek qaralmaq.

Derekkózderdiń aıtýynsha, el úkimeti vaktsına pasportyn Italııa, Frantsııa jáne Grekııany qosa alǵanda 10-nan astam memleket qabyldaıdy degen úmitte.

Premer-mınıstr Esıhıde Sýgı qarasha aıyna deıin ekpe alǵysy keletin Japonııadaǵy barlyq jaramdy adamdardy vaktsınatsııalaýdy aıaqtaýǵa nıetti ekenin málim etti.