Japondyqtar sheteldikterge arnap, qaýipterdi eskertý júıesin jasamaq
Bul júıe osyǵan deıingi J-Alert júıesine uqsas L-Alert dep atalatyn bolady. Tıisti qaýip-qaterler týraly málimetter televızııa, radıo jáne uıaly baılanys quraldary arqyly taratylady.
Mysaly, sheteldik týrıster qaýip týyndaǵan jaǵdaıda jaqyn mańda ornalasqan jertóleleler men azamattardy qaýipsiz aımaqqa kóshirilýi týraly aqparattardy aldyn ala bile alatyn bolady, dep habarlaıdy TASS.
Bul mindetke japondyqtar 2020 jyly Tokıoda ótetin Olımpıada qarsańynda erekshe kóńil bólip otyr. Sonymen qatar qazir uıaly baılanystar úshin arnaıy mobıldi qyzmet túri shyǵarylatyndyǵy aıtylýda. Alaıda, bılik ókilderi sheteldik qonaqtardyń qolynda uıaly baılanys quraldary bolmaı qalǵan jaǵdaıda paıdasy tıedi degen oımen yqtımal qaýip-qaterler týraly jappaı jarııalaý ádisin de qoldaný jaǵyn qarastyrýda.
Japonııa seısmıkalyq jaǵynan belsendi aımaqta ornalasqan. Sol sebepti bul el tabıǵı apattarǵa beıim. Jer betindegi zilzalalardyń basym bóligi osy japon elinde bolyp turady. Sonymen birge munda jaz, kóktem mezgilderinde taıfýndar men daýyldar jıi soǵady.