Japondyqtar Golovkındi ystyq yqylaspen qarsy aldy - GGG promoýteri

NUR-SULTAN. QazAqparat – Qazaqstandyq boksshy Gennadıı Golovkınniń Japonııada Rıota Mýratamen ótetin jekpe-jegi jergilikti BAQ-tyń jáne boks jankúıerleriniń zor qyzyǵýshylyǵyn týdyryp otyr. Bul týraly GGG-diń promoýteri Tom Leffler málim etti, dep habarlaıdy QazAqparat Sports.kz-ke silteme jasaı otyryp.

IBF/IBO orta salmaqtaǵy álem chempıony Gennadıı Golovkınniń WBA Super tıtýlynyń ıegeri Rıota Mýratamen jekpe-jegi 9 sáýirde Saıtamada ótedi. GGG qazir komandasymen birge Tokıoda. Ol jekpe-jekke deıin sonda bolady jáne karantın ýaqytyn ótkizedi.

«Bul jekpe-jek mundaǵy aıtýly oqıǵa bolmaq. Gennadııdi kóp jýrnalıst pen fanattary áýejaıdan ystyq yqylaspen kútip aldy», - dep jazdy Leffler Twitter paraqshasyna.

Eske salsaq, buǵan deıin Gennadıı Golovkın jekpe-jek ótkizý úshin Japonııaǵa attanǵany týraly habarlaǵan edik.