Japon hanshaıymy Aıko qaıyrymdylyq uıymynda jumys isteıdi

<p>ASTANA. KAZINFORM - Japondyq ımperator Narýhıto men patshaıym Masakonyń jalǵyz balasy hanshaıym Aıko sáýir aıynda ýnıversıtetti bitirgen soń Qyzyl Krest uıymynda jumys istemek, dep habarlaıdy <a href="https://english.kyodonews.net/news/2024/01/c3f120599322-princess-aiko-to-work-at-japanese-red-cross-society-from-april.html" target="_blank" rel="noopener">Kyodo News.</a></p>

22 jastaǵy hanshaıymnyń aıtýynsha, ol «árqashan qyzyǵýshylyq bildirgen» uıymda jumys isteýge nıettenip, ımperator otbasy músheleriniń resmı mindetterin oryndaýyn jalǵastyrýdy josparlap otyr.

«Japondyq Qyzyl Krest jumysyna atsalysatynyma qýanyshtymyn», - dedi hanshaıym Aıko óz málimdemesinde. Ol sondaı-aq jumysqa «kóńili qatty aýyp turǵanyn» qosyp ótti.

Imperator saraıy basqarmasynyń habarlamasyna sáıkes, hanshaıym kelisimshart boıynsha jumys istep, shtab-páterge baryp turady. Onyń dál qandaı jumys atqaratyny ázirge belgisiz.

Qazan aıynda hanshaıym ımperator Narýhıto jáne patshaıym Masakomen birge japondyq Qyzyl Krestke baryp, onda uıymnyń 1923 jyly eldegi Kanto Uly jer silkinisinen keıin kómek kórsetýine arnalǵan kórmeni tamashalady.

Patshaıym Aıko qazirgi kezde Gakýsıýın ýnıversıtetindegi japon tili men ádebıeti kafedrasynyń tórtinshi kýrsynda bilim alyp jatyr.