Japon kásipkeri 2023 jylǵy Aıǵa saparyna 8 adamdy tańdap alady

TOKIO. KYODO NEWS - QazAqparat – Japon kásipkeri ıÝsaký Maedzava sársenbi kúni «ózderin ártis dep esepteıtin» qoǵamnyń 8 ókilin 2023 jyly Aı orbıtasyna alyp ketetinin málimdedi. Bul SpaceX fırmasy uıymdastyrǵan álemdegi alǵashqy jeke ǵarysh saıahaty, dep habarlaıdy QazAqparat KYODO NEWS agenttigine silteme jasap.

Zozo Inc. sándi kıimder ınternet-dúkeniniń negizin qalaǵan Maedzava 10-12 adamnan quralǵan topqa múshe bolý úshin ótinish tastap jatqandar ǵarysh saıahaty kez kelgen shyǵarmashylyqtyń shekarasyn keńeıtip, nátıjesinde «basqa adamdar jáne jalpy qoǵam» kómegin sezinýi kerek dedi.

Ol YouTube arnasyna aǵylshyn jáne japon tilderinde eki vıdeo jarııalap, dearMoon jobasy komandasynyń áleýetti músheleri komandanyń basqa ókilderin qoldaýǵa «daıyn jáne qabiletti» bolýy kerek ekenin aıtty.

Aıǵa barý, onyń aınalasynda júrý jáne qaıtý jalpy alty kúnge sozylady, Maedzava ekspedıtsııa aqysyn jeke saıahat retinde ózi tóleıdi. Ótinishter 14 naýryzǵa deıin qabyldanady.