Japon ǵalymdary ǵarysh lıftisin jasap shyǵardy

TOKIO. QazAqparat - Japonııa Kounotori 7 («Aıst-7») pılotsyz ǵarysh kemesi jalǵanǵan H-2B aýyr zymyranyn oıdaǵydaı ushyrdy. Ol halyqaralyq ǵarysh stansasyna júk pen eksperımenttik qurylǵyny jetkizetin bolady, dep habarlaıdy TASS agenttigi.

Kounotori 7 stansaǵa eki Stars-me shaǵyn spýtnıgin jetkizýi tıis. Olardy óńdeýmen aınalysqan Sıdzýoka ýnıversıtetiniń saıtynda habarlanǵandaı, qyry 10 sm bolatyn tekshe pishindi apparattar ózara ústinen motory men kamerasy bar kishigirim kapsýla qozǵalyp ótetin 10 metrlik bolattan jasalǵan arqanmen jalǵanǵan. Bul qurylǵynyń barlyǵy ǵarysh lıftisi úlgisiniń jumysy tanystyrylatyn ashyq keńistikke ushyrylmaq.

Aıta ketý kerek, dál osyndaı keme 2016 jylǵy jeltoqsanda da ushyrylǵan edi. Ondaǵy maqsattyń biri - ǵaryshtaǵy qoqysty jınaý boldy, alaıda eksperıment sátsiz aıaqtalǵan bolatyn.



Foto : © REUTERS / Kyodo