Japon ǵalymdary brıtan shtammynyń ádettegiden 1,32 ese juqpaly ekendigin anyqtady

TOKIO. QazAqparat – Japonııada koronavırýstyń brıtandyq shtammynyń taralý koeffıtsenti bastapqy nusqasyna qaraǵanda 1,32 ese joǵary bolyp shyqty. Japonııa Infektsııalyq aýrýlar boıynsha ulttyq ınstıtýtynyń mamandary osyndaı qorytyndy jasady, dep habarlaıdy QazAqparat japon qoǵamdyq telearnasyna silteme jasap.

Ǵalymdar sol sebepti qoldanystaǵy ınfektsııanyń taralýynyń aldyn alý ádisteri jetkiliksiz bolýy múmkin ekendigin aıtyp ótti.

Qazirgi kezde koronavırýstyń brıtandyq shtammy Japonııanyń batysynda kóp taralǵan. Atap aıtqanda, 7 sáýir kúni juqtyrýdyń jańa oqıǵalarynyń kúrt ósýinen tótenshe jaǵdaıdyń jergilikti rejımin engizgen Osaka prefektýrasy. Alaıda japondyq ǵalymdar jańa shtamnyń taralýy aldaǵy ýaqytta astanalyq aımaqqa da jetýi múmkin dep eskertedi.

Pandemııa basynan bul elde barlyǵy 494 myń koronavırýs juqtyrý oqıǵasy anyqtaldy, 9,3 myń qaıtys bolǵandar tirkeldi. Juqtyrǵandardyń 455 myńy jazylǵan, 456 naýqastyń jaǵdaıy aýyr.