«Janýarlarǵa jaýapkershilikpen qaraý týraly» Zańǵa túzetýler ázirlendi

<p>ASTANA. KAZINFORM &ndash; Prezıdent Іs basqarmasy janyndaǵy Parlamentarızm ınstıtýty janýarlardy qorǵaý uıymdarymen jáne ǵalymdarmen birlesip, &laquo;Janýarlarǵa jaýapkershilikpen qaraý týraly&raquo; Zańǵa túzetýler ázirledi. Bul týraly atalǵan ınstıtýtqa qarasty Boljamdyq, áleýmettik-ekonomıkalyq taldaý jáne statıstıka ortalyǵynyń jetekshisi Asqar Bektenov málim etti.</p>

«Ózderińizge málim, 2021 jylǵy 30 jeltoqsanda «Janýarlarǵa jaýapkershilikpen qaraý týraly» Zań qabyldandy. Bul rette Zańnyń janýarlardy qorǵaý, qaýipsizdikti qamtamasyz etý, izgilikti nyǵaıtý jáne janýarlardy asyraý kezinde qoǵamnyń adamgershilik qaǵıdattaryn saqtaý maqsatynda qabyldanatyny atap kórsetildi. Alaıda, bul Zańda adamdar men janýarlardyń ózara baılanysy, ásirese balalardy, adamdardy qorǵaı otyryp, janýarlarǵa izgilikpen qaraý, sonymen qatar qańǵybas jáne qabaǵan ıtterdiń shabýyl áreketteriniń barlyq aspektisi eskerilmedi», - dedi ortalyq jetekshisi.

Onyń atap ótýinshe, zań qabyldanǵannan keıin Parlamentarızm ınstıtýtyna, Ekologııa jáne tabıǵı resýrstar mınıstrligine, Májilis pen Senat depýtattaryna qoǵam belsendileri tarapynan Zańnyń keıbir normasyn ótkir synǵa alǵan kóptegen shaǵym túse bastaǵan.

«Parlamentarızm ınstıtýty ótkizgen talqylaý nátıjesinde janýarlardyń - ıtter men mysyqtardyń sanyn baqylaýǵa, sondaı-aq jekelegen negizgi ındekatorlardy belgileý arqyly olardyń sanyn retteý protsesine baqylaýdy júzege asyrýǵa múmkindik beretin jetildirilgen jańa normalar ázirlendi. Osy túzetýler negizinde Parlamentarızm ınstıtýty ıtter men mysyqtardyń sanyn retteýdegi aǵymdaǵy jaǵdaıdy jedel baqylaýǵa jáne baǵalaýǵa múmkindik beretin retteýshilik áserdi baǵalaýdyń biregeı ádistemesin ázirledi. Keleshekte, 3-5 jyl ishinde osy normalardy engizý búginde jyl saıyn shamamen 2 mlrd teńgeni quraıtyn bıýdjet shyǵystaryn qysqartýǵa ákeledi. Sondaı-aq janýarlar basyn tirkeý jáne chıpteý esebinen olardy tıimdilikpen baqylaýǵa múmkindik beredi», - dedi ol.

Onyń atap ótýinshe, ázirlengen túzetýlerdiń mynadaı artyqshylyǵy bar:

• janýarlarǵa jaýapkershilikpen qaraý salasyndaǵy memlekettik saıasattyń birizdiligin qamtamasyz etedi;
• ıtter men mysyqtardyń sanyn jabaıy, aýyl sharýashylyǵy jáne basqa janýarlar túrlerinen zańnamalyq turǵyda retteıdi;
• janýarlar derekqory úshin biryńǵaı tsıfrlyq platformany engizedi, sondaı-aq janýarlardy tirkeýmen jáne chıpteýmen jappaı qamtý esebinen janýarlar sanyn retteý protsesin baqylaý ári monıtorıngileý tetikteriniń tıimdiligin arttyrady;
• janýarlardy jappaı kastratsııalaý esebinen janýarlardy ýaqytsha ustaý pýnktterine, panajaılar men pıtomnıkterge júktemeni azaıtady.