Janýarlarǵa jasalǵan qatigezdikti jasyrýǵa bolmaıdy – Maǵzum Myrzaǵalıev

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev janýarlarǵa qatygezdikti, tabıǵatqa varvarlyq kózqarasqa qarsy kúreske atsalysqan azamattarǵa alǵysyn bildirdi, dep habarlaıdy QazAqparat tilshisi.

«Búgingi tańda biz azamattardan orasan zor qoldaý alyp otyrmyz dep senimmen aıta alamyn. Janýarlarǵa qatygezdikti, tabıǵatqa varvarlyq kózqarasty, ár rezonanstyq jaǵdaıdy azamattar tez arada habarlap, jarııalap otyrady. Bul – durys. Mundaı faktilerdi jasyrýǵa bolmaıdy. Janýarlar men ósimdikterge degen osyndaı kózqaras ekologııalyq bilimniń, ekologııalyq mádenıettiń jetkiliksiz bolýynan týyndaıdy», - dedi mınıstr OKQ-da ótken baspasóz máslıhatynda.

Maǵzum Myrzaǵalıev mınıstrlik tabıǵatqa, qorshaǵan orta jaǵdaıyna beı-jaı qaramaıtyn azamattarmen belsendi túrde jumys istep kele jatqanyn atap ótti.

«Birlesip is-sharalar, senbilikter, qoqystardy tazartý, aǵash otyrǵyzý boıynsha aktsııalar ótkizýdemiz. Árıne, ótken jyly pandemııaǵa baılanysty mundaı sharalardy qysqartýǵa májbúr boldyq. Bıyl osyndaı aktsııalardy jıi ótkize alamyz dep úmittenemin», - dedi ol.