Janýarlar týraly zań zoobaqtardyń jumysyna da oń áser etedi – maman
«Janýarlarǵa qamqorlyqpen qaraýdy qamtamasyz etetin zańnyń bolýy bizdiń zoobaqtardyń da jumysyna oń áseri etedi. Óıtkeni zoobaqtyń aýmaǵy shekteýli. Aýmaǵyn sheksiz keńeıte almaısyń. Onyń ústine ár zoobaqta janýarlar kollektsııasyn tolyqtyryp, kútip ustaýdyń jospary bolady. Al bizge keıde brakonerlerden azat etilgen, keıde qarapaıym turǵyndar basynda qyzyǵyp asyrap alyp, keıin bas tartqan nebir ekzotıkalyq janýarlardy ákelip jatady. Bir jaǵynan olardy qabyldamasaq, obal. Ekinshi jaǵynan olardy qabyldasaq, ózimizdiń kollektsııalyq josparymyz buzylady. Osy turǵydan alǵanda janýarlarǵa jaýapkershilikpen qaraý týraly zań qajet-aq», - deıdi maman.
Zoobaq ókili keıingi jyldary álemniń ár túkpirinen ákelingen janýarlar qaraýsyz qalǵanda zoobaqtarǵa ákelý ádetke aınalǵanyn aıtady.
Onyń pikirinshe, zańda jabaıy janýarlardyń qaı túrlerin qarapaıym turǵyndar úı jaǵdaıynda ustaı alatynyn naqtylap jazý qajet.
«2020 jyly ǵana bizge birneshe arystan alyp keldi. Báriniń jasy 6 aıdan asqan. ıAǵnı, agressııa tanytatyn jasqa jetken. Sony baıqap, ony úıinde asyrap kelgen adamdar zoobaqqa ótkizip otyr. Mysaly, biz zoobaqtyń kollektsııalyq jospary boıynsha shetelden janýar ákelsek, túrli qujattar rásimdeımiz. Bir janýardy syrttan kirgizýdiń mashaqaty kóp. Arnaıy mamandanǵan uıym bolsaq ta, biraz ýaqytymyz ben energııamyzdy shyǵyndaımyz. Al jeke azamattardyń sol qujattardyń bárin qalaı rettep, janýardy alyp ótetinini túsiniksiz. Osy jaǵynan da zań qatańdatylýy kerek dep oılaımyn», - deıdi ol.
Sondaı-aq, Aıman Egdebaeva zańsyz aınalymnyń qurbany bolǵan jáne ıesiz qalǵan janýarlardyń problemasyn zoobaqtardyń kúshimen sheshý múmkin emes ekenin aıtady.
Sondyqtan, janýarlardy ońaltý ortalyqtaryn qurý qajet dep esepteıdi.
«Bálkim ol úshin zańǵa ózgeris engizip te keregi joq shyǵar. Biraq janýarlardyń bıoalýandyǵyna jaýapty memlekettik organdardyń saıası sheshimi kerek. Qazirgi tańda janýarlardy ońaltý ortalyǵy aýadaı qajet», - dedi «Almaty» haıýanattar baǵy halyqaralyq bóliminiń jetekshi mamany Aıman Egdebaeva.