Janýardy jeke sáıkestendirý nómiri: Teri astynda chıp bolady
«Biz sondaı-aq jeke sektordaǵy veterınarııalyq praktıkany damytý úshin adamdardyń densaýlyǵyna qaýip tóndirmeıtin aýrýlardyń 5 túri boıynsha kúresý men aldyn alý jumystaryn básekelestik ortaǵa berip, salany keńeıtpekpiz», - dedi E. Qarashókeev Ortalyq kommýnıkatsııalar qyzmetinde.
Onyń aıtýynsha, veterınarııa salasyn tsıfrlandyrýǵa erekshe mańyz beriledi.
«Qazirgi ýaqytta biz jańa baǵdarlamalyq ónimniń alǵashqy jumystyq nusqasyn ázirleýdi aıaqtap jatyrmyz. Bul jergilikti jerden aqparat qalyptastyrý, ony Janýarlar týraly ortalyq derekqorǵa berý protsesterin tolyǵymen avtomattandyrýǵa jáne osy protsesterdiń barlyǵyna adamı faktor áserin boldyrmaýǵa múmkindik beredi. Veterınarııalyq mamanda osy baǵdarlamanyń mobıldi qosymshasy bolady, ol ony qaǵazbastylyqtan bosatady. Janýarda adamnyń jeke sáıkestendirý nómiri sııaqty bir ǵana sáıkestendirý nómiri bolady dep boljanýda. Ol janýardyń ómirlik tsıkliniń búkil kezeńinde teri astyndaǵy chıpte ornalasady. Kelesi jyly atalǵan baǵdarlamany bir aýdannyń bazasynda testilik rejımde synaqtan ótkizip, tolyq pysyqtalǵannan keıin 2023 jyldan bastap respýblıka boıynsha kezeń-kezeńimen engizýdi josparlap otyrmyz», - dedi mınıstr.