Janseıit Túımebaev sheteldik qoǵam belsendilerimen kezdesti

TÚRKІSTAN. QazAqparat - Túrkistan oblysynyń ákimi Janseıit Túımebaev «Mır cherez dýhovnost» qoǵamdyq uıymy keńesiniń Reseı men Qazaqstandaǵy ókilderimen kezdesti. Basqosýda taraptar taıaýda Saıram aýdanynda Anglııa men Amerıkadan kelgen bilikti dárigerlerdiń qatysýymen uıymdastyrylǵan halyqaralyq eriktiler lageri men halyqaralyq medıtsınalyq konferentsııa jóninde sóz qozǵady, dep habarlaıdy QazAqparat tilshisi.

Kezdesýge qatysqandar medıtsına salasyndaǵy keleshek yntymaqtastyq máselesin talqylady. Jıynda halyqaralyq medıtsına salasyndaǵy naqty is-sharalar egjeı-tegjeıli kelisilip, aldaǵy josparlar baıandaldy. Sondaı-aq, otyrysta sheteldik qonaqtar oblys basshysyna Elbasynyń «Rýhanı jańǵyrý» Joldaýy aıasynda Túrkistan oblysynda sheteldik ǵalymdardyń qatysýymen halyqaralyq mádenı, halyqaralyq ǵylymı-praktıkalyq konferentsııalar uıymdastyrý boıynsha usynystaryn jetkizdi.

Óz kezeginde, óńir basshysy meımandardyń usynys-tilekterin tolyqtaı qoldaıtynyn aıtyp, bolashaqta birlese jumys isteýge shaqyrdy.

Eske salaıyq, osy jyldyń shilde aıynda Saıram aýdanynda 8 toptan qurylǵan 30 dáriger jergilikti halyqqa tegin medıtsınalyq kómek kórsetken bolatyn. Atalǵan shara Elbasynyń «Rýhanı jańǵyrý» Joldaýy aıasynda óńir basshysy Janseıit Túımebaevtyń qoldaýymen uıymdastyryldy. «Mır cherez dýhovnost» qoǵamdyq uıymynyń músheleri oblystyq klınıkalyq aýrýhanada Halyqaralyq medıtsınalyq konferentsııa ótkizip, atalǵan medıtsınalyq mekemeniń jetekshilerimen jáne mamandarymen tájirıbe almasqan edi.