Janseıit Túımebaev qoǵam qaıratkerimen júzdesti
Kezdesý barysynda óńir basshysy qaıratkerdiń ómir jolyna toqtalyp, ystyq lebizin bildirdi.
«Siz kıeli Ońtústik óńirinde ósip-ónip, boıyńyzdaǵy bar kúsh-jigerińizdi, salıqaly oı men bilimińizdi, ómirińizdi memleketimizdiń damýyna, órkendeýine jumsap kelesiz. Ómir jolyńyzdy qarapaıym jumysshydan bastap, memlekettik qyzmette birqatar belesterdi baǵyndyrdyńyz. Qazaqstan Respýblıkasy Parlamenti Májilisiniń depýtaty qyzmeti kezinde elimizdiń qoǵamdyq-saıası, áleýmettik-ekonomıkalyq damýyna qyzmet etetin sapaly zań jobalaryn qabyldaýda súbeli úles qosqan memleket qaıratkerisiz», - dedi Janseıit Qanseıituly.
Aıta keteıik, Tólebek Qosmambetov 1947 jyly 5 shildede Ońtústik Qazaqstan oblysy Arys qalasynda dúnıege kelgen. 1967 jyly Almaty halyq sharýashylyǵy ınstıtýtyn ınjener-ekonomıst mamandyǵy boıynsha bitirdi. Eńbek jolyn 1969 jyly Qazaq KSR-nyń Memlekettik josparlaýdyń aǵa ekonomısi qyzmetinen bastaǵan ol túrli jaýapty qyzmetterdi abyroımen atqardy. 1999 jyly QR Parlamenti Májilisiniń depýtaty, 2004 jylǵy qarashadan bastap úshinshi saılanymnyń depýtaty, al 2007 jylǵy tamyzdan bastap úshinshi saılanymnyń depýtaty, Qarjy jáne bıýdjet komıtetiniń múshesi boldy. 1993 jyly Reseı Federatsııasy Úkimetiniń janyndaǵy Aýyl sharýashylyǵy akademııasyn tabysty bitirip, ǵylymı dárejege ıe boldy. Joǵary bilikti menedjer atandy. 2001 jyly Máskeý qalasynda kandıdattyq dıssertatsııany qorǵap, Reseı Federatsııasynyń Bilim mınıstrligi janyndaǵy joǵary attestatsııalyq keńes ekonomıka ǵylymynyń kandıdaty degen ǵylymı ataq berildi.
Munan bhlek, Tólebek Baıdúısenuly QR Prezıdentiniń Qurmet gramotasy men «Qurmet» ordeniniń ıegeri. Zaıyby Gúlistan Kenjehanova ekeýi 3 ul, 1 qyz tárbıelep ósirgen.