ALMATY. QazAqparat - Qazaqstandyq shahmatshy qyz Jansaıa Ábdimálik Almatydaǵy №557 referendým ýchaskesinde daýysyn berdi. Ýchaskege ol ákesimen birge keldi, dep habarlaıdy QazAqparat tilshisi.
«Jeke esebim boıynsha, bul - men qatysyp jatqan ekinshi saıası naýqan. Alǵash ret 2019 jyly Prezıdent saılaýynda daýys bergenmin. Referendým – elimiz úshin aýqymdy tarıhı oqıǵa. Men úshin bul - eń aldymen ózimniń azamattyq pozıtsııamdy bildirýge bolatyn múmkindik dep sanaımyn», - dedi Jansaıa Ábdimálik.
№557 ýchaskesi saılaý komıssııasynyń tóraıymy Aqmaral Bahınanyń aıtýynsha, bul ýchaskede 2 264 adam tirkelgen.
Tańerteńnen beri 250-ge jýyq adam daýys berip úlgerdi.
Dýman Arǵyngeldi
2008 jyly Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin támamdaǵan. «Qazaqstan» ulttyq arnasynyń Almaty qalalyq fılıalynda, «Aıagóz jańalyqtary», «Almaty aqshamy» gazetterinde qyzmet atqardy. Maqalalary respýblıkalyq, oblystyq, aýdandyq gazet betterinde jarııalandy. 2021 jyldan beri «KAZINFORM» HAA-de jumys isteıdi.