Jansaıa Ábdimálik Dúnıejúzilik shahmat olımpıadasynda qola medal aldy

NUR-SULTAN. QazAqparat – Tanymal qazaqstandyq shahmatshy Jansaıa Ábdimálik 2022 jylǵy Dúnıejúzilik shahmat olımpıadasynda alǵashqy taqtalar arasynda qola júldeger atandy, dep habarlaıdy QazAqparat Sports.kz saıtyna silteme jasap.

Birinshi taqtada komandanyń eń myqty oıynshylary oınaıdy. Taǵy bir qazaqstandyq Bıbisara Asaýbaeva ekinshi taqta arasynda tórtinshi boldy.

Áıelder quramasy:

Jansaıa Ábdimálik (22 jasta) — birinshi taqta, 3-oryn;

Bıbisara Asaýbaeva (18 jasta) — ekinshi taqta, 4-oryn;

Ksenııa Balabaeva (17 jasta) — úshinshi taqta, 16-oryn;

Gúlishan Nahbaeva (31 jasta) — tórtinshi taqta, 11-oryn;

Nazerke Nurǵalı (18 jasta) — besinshi taqta, 8 oıynnan az oınady.

Erler quramasy:

Rınat Jumabaev (33 jasta) — birinshi taqta, top-20-ǵa kire almady;

Álisher Súleımenov (22 jasta) — ekinshi taqta, 13-oryn;

Murtas Qajyǵaleev (49 jasta) — úshinshi taqta, 8 oıynnan az oınady;

Arystanbek Orazaev (24 jasta) — tórtinshi taqta, 18-oryn;

Qazybek Nógerbek (18 jasta) — besinshi taqta, 19-oryn.

Buǵan deıin habarlanǵandaı, QR áıelder quramasy 17 matchtyq upaı jınady (8 jeńis, 1 teń oıyn, 2 jeńilis).

Halyqaralyq reıtıngke sáıkes áıelder quramasy Olımpıadanyń bastapqy tiziminde 10-shy oryndy ıelenip, qorytyndy nátıjede 5-shi oryndy aldy. Olımpıadadaǵy bizdiń shahmatshylarymyz – orta jastaǵy eń jas komandalardyń biri.

Foto: sports.kz