Janna Pralıeva: Oraza ustaǵan elordalyqtar vaktsına ala alady

NUR-SULTAN. QazAqparat – Nur-Sultan qalasynyń bas memlekettik sanıtar dárigeriniń orynbasary Janna Pralıeva 30 kúndik oraza saý adamnyń koronavırýsqa qarsy vaktsına alýyna kedergi emes ekenin eskertti, dep habarlaıdy QazAqparat tilshisi.

«Buryn habarlaǵandaı koronavırýstyq ınfektsııaǵa qarsy vaktsınatsııa orazany buzbaıdy. Óıtkeni dárilik zat as qorytý júıesine aýyz nemese muryn arqyly ense ǵana oraza buzylady. Inektsııalar men koronavırýstyq vaktsınany engizý jaǵdaıynda mundaı eshteńe bolmaıdy. Osyǵan baılanysty qasıetti Ramazan aıynda oraza ustaǵan elordanyń árbir turǵynynda koronavırýsqa qarsy vaktsına alýǵa jáne ózin aýrýdan qorǵaýǵa múmkindik bar. Qazir barlyq emhanalarda birneshe egý kabınetteri jumys istep jatqanyn bilesizder. Sondaı-aq, elordanyń barsha turǵyndary qaladaǵy jáne jalpy eldegi koronaıvrýstyq ınfektsııa boıynsha búgingi jaǵdaıdyń aýyrlyǵyn seziný kerek», - dedi maman onlaın brıfıng barysynda.

Janna Pralıeva oraza ustap júrgen adamdy ınfektsııadan qorǵaýdyń birden-bir jol karantın talaptaryn saqtaý ekenin eske saldy.

«Qazir tek Nur-Sultan qalasynda ǵana emes, búkil dúnıejúzinde ınfektsııa qaıtadan órship tur. Árbir turǵyn oraza ustaıtyn týystaryna qamqorlyq jasap, qoronavırýstyq ınfektsııadan qorǵaýy kerek. Ol úshin maska taǵý, ara qashyqtyqty saqtaý, kópshilik sharalardy uıymdastyrmaý jáne oǵan qatyspaý sııaqty saqtyq sharalyn ustaný kerek. Jaqyndaryńyz ben týystaryńyzdyń densaýlyǵy sizdiń qolyńyzda», - dep túıindedi elordalyq maman.

Buǵan deıin habarlaǵanymyzdaı, Jannna Pralıeva elordada koronavırýs juqtyrǵandar bir aptada 12 paıyzǵa óskenin aıtty.

Sondaı-aq, ol dáriger orazany toqtatý týra keńes berse, qulaq asý kerektigin aıtyp otyr.

Mamannyń aıtýynsha, Nur-Sultan qalasy qyzyl aımaqta bolǵandyqtan, Oraza kezinde namazdy kópshilikpen oqýǵa tyıym salynady.