Janqosh Turarov: Elimizde jeke boks keshin ótkizgim keledi

ASTANA. QazAqparat - Búgin QR Mádenıet jáne sport mınıstri Arystanbek Muhamedıulynyń qabyldaýynda bolǵan kásipqoı boksshy Janqosh Turarov elimizde jeke boks keshin ótkizgisi keletinin aıtty, dep habarlaıdy QazAqparat tilshisi.

«Óz elimde jeke boks keshin ótkizýdi armandap júrmin. Ol Astanada óte me, álde, Almaty da óteme - qaı qalada ótse de, jergilikti jankúıerler jaqsy qyrynan qoldaıtynyn bilemin. Aldaǵy ýaqytta bul josparymdy júzege asyrsam dep oılap júrmin. Al EKSPO kezinde boks keshin uıymdastyra alamyz ba, joq pa, ony búgin sport basshylarymen otyryp sheshetin bolamyz», - dedi boksshy.

Sonymen birge ol kez kelgen boksshymen judyryq túıistirýge daıyn ekenin de ashyp aıtty.

«Almatyda ótken jekpe-jekten keıin az da bolsa tynyǵyp qaldym. Endi qańtar aıynda AQSh-qa attanyp, jattyǵýymdy bastaımyn. Qazir naǵyz babymdamyn. Kimmen bolsa da judyryqtasýǵa daıynmyn», - dedi Janqosh Turarov.