Janqosh Turarov Almatyda japondyq boksshymen tıtýldyq jekpe-jek ótkizedi

<p>10 jeltoqsan kúni Almatydaǵy Balýan Sholaq atyndaǵy sport saraıynda dúbirli boks keshi ótedi. Basty jekpe-jek &mdash; buǵan deıin jeńilip kórmegen qazaqstandyq bylǵary qolǵap sheberi Janqosh Turarov pen álemge áıgili japon boksshysy Akıhıro Kondo kezdesýi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Janqosh Turarov kásipqoı rıngte 27 ret jekpe-jek ótkizip, bárinde jeńiske jetken. Onyń 20-synda qarsylasyn nokaýtpen tize búktirgen. Bul joly álemge tanymal, kóp dúrkin Japonııa jáne Azııa chempıony Akıhıro Kondomen (37-11-2, 21 KO) judyryqtasady.

Boksshylar IBO tujyrymy boıynsha álem chempıony ataǵy men WBA Gold World chempıondyq beldikterin sarapqa salady.

Budan bólek, sharshy alańǵa Vıktor Kotochıgov, Balaýsa Muzdyman, Elshat Nyǵmetolla, Elhan Tabynbaev syndy otandastarymyz shyǵady.

Aıta ketken jón, Janqosh úshinshi ret qatarynan jeltoqsan aıynda jyldyń qorytyndy jekpe-jegin ótkizip keledi. 2021 jyly otandasymyz Abdýmonem Saıdti tize búktirse, 2022 jyldyń jeltoqsanynda burynǵy álem chempıony Lýıs Enrıke Romerony nokaýtqa jibergen bolatyn.

10 jeltoqsan kúni boks jankúıerleri Turarov pen basqa da qazaq boksshylaryna qoldaý bildirý úshin bıletterdi zakazbiletov.kz saıtynan ala alady.