Jankent ıÝNESKO-nyń mádenı muralar tizimine engiziledi
Bul týraly oblystyq mádenıet, arhıvter jáne qujattama basqarmasynyń basshysy Mıra Ábýova Qazaly aýdanynyń ákimdiginde Qyzylorda oblysy boıynsha tarıhı-mádenı muralardy paıdalaný men qorǵaýdyń jaı-kúıi jáne ony jaqsartý sharalary keńesinde aıtty.
Jankent respýblıkalyq sıpattaǵy arheologııalyq eskertkish bolyp tabylady. Ol Qazaly aýdany aýmaǵyndaǵy Órkendeý aýyldyq okrýginiń ortalyǵyna irgeles jatyr. Tarıhshylardyń aıtýynsha, kóne shahar VІІ-HІV ǵasyrlarda Jankent, ıAngıkent qalasy degen ataýmen ómir súrgen.
Túrikmen tarıhshysy Abulǵazy Bahadúr Jankenttiń júzdegen jyl oǵyz eline astana bolyp kelgenin aıtady. Oǵyzdar sol aýmaqty erte zamannan mekendegen. El bılegen patshalary astana esanalǵan Jankentte ómir súrgen. Atalmysh shahar Syr ózeniniń sol jaq betinde oryn tepken,. Ol aýdan ortalyǵy - Áıteke bı kentinen 15-20 shaqyrym jerde ornalasqan.
Sondaı-aq, qazaq halqynyń ómirinde mańyzdy sanalatyn Syǵanaq qalashyǵy da ıÝNESKO-nyń qorǵaýyna alynatyn mádenı muralar tizimine engiziledi dep josparlanyp otyr.
Aıta keterligi, byltyr qarasha aıynda «Qorqyt ata» murasy ıÝNESKO-nyń materıaldyq emes muralary tizimine engen bolatyn.