Jánibek Álimhanulynyń kelesi jekpe-jegi qashan ótetini belgili boldy

NUR-SULTAN. QazAqparat - Qazaqstandyq kásipqoı boksshy Jánibek Álimhanuly kelesi jekpe-jeginiń merzimin jarııalady, dep habarlaıdy QazAqparat.

Álem chempıony bul jaıynda óziniń Twitter paraqshasynda málimdedi.

«Qarasha aıynda jańa chempıonmen tanysasyzdar. Tamashalaýǵa qara kózildirikpen kelińizder. Óıtkeni men rıngte jarqyraımyn! Biz Amerıkadamyz. Al aıqas qarashada Las Vegas qalasynda ótedi. Qarsylasym kim ekenin bilmeımin. Biraq men ony qatty uryp-soqpaımyn. Tek nokaýtqa túsiremin. Óıtkeni men orta salmaqtyń úzdigimin» dep jazdy ol.

Eske sala keteıik, munyń aldynda Jánibek Álimhanuly boks chempıondaryna úndeý jasaǵan edi. Ol álemdik boksshylardy birigýge shaqyrǵan.

Jýyrda qazaqstandyq boksshy orta salmaqta WBO álem chempıony atandy.

Dúnıejúzilik boks uıymy (WBO) resmı qaýly shyǵardy, onda qazaqstandyq boksshy Jánibek Álimhanuly orta salmaqtaǵy WBO tolyqqandy álem chempıony dep jarııalanǵan.