Jánibek Álimhanulyna rıngke shyǵýǵa shekteý qoıyldy

ASTANA. QazAqparat – Orta salmaqtaǵy WBO chempıony Jánibek Álimhanulyna (13-0, 8 KO) rıngke shyǵýǵa ýaqytsha shekteý qoıyldy, dep habarlaıdy QazAqparat Sports.kz portalyna silteme jasap.

Álimhanuly 13 qarashada Las-Vegasta brıtandyq Denzel Bentlımen (17-2-1, 14 KO) jekpe-jek ótkizip, chempıondyq ataǵyn qorǵady. Kezdesý tóreshilerdiń biraýyzdy sheshimimen qazaqstandyq boksshynyń jeńisimen aıaqtaldy.
Jekpe-jekten keıin Nevada shtatynyń Atletıka komıssııasy boksshylarǵa shekteý qoıdy. Sonymen, Álimhanulyna osy jyldyń 13 jeltoqsanyna deıin jekpe-jek ótkizýge resmı túrde tyıym salyndy, al Bentlı sharshy alańǵa kelesi aıdyń 28-inen buryn shyǵa almaıdy. Bul shara medıtsınalyq sıpatqa ıe jáne boksshylardyń durys qalpyna kelýine baǵyttalǵan.
Eske salaıyq, Dúnıejúzilik boks uıymy (WBO) Álimhanuly Bentlıdi jeńgen jaǵdaıda oǵan meksıkalyq Haıme Mýngııamen jekpe-jek ótkizýdi mindettegen bolatyn.

Endi «Qazaq style» laqap atymen tanymal boksshymyz H.Mýngııa komandasynan jaýap kútip júr.

Foto: sports.kz