Jánibek Álimhanuly rıngke qashan oralatynyn aıtty
Bul jaıynda sportshy Instagram paraqshasynda jazdy.
«Jaraqatqa alańdap, janashyrlyq tanytyp, tileýlestigin bildirip jatqan barsha jankúıerlerge erekshe alǵys aıtqym keledi. Sizder óte kópsizder. Maǵan senesizder. Ony óte jaqsy bilemin. Qazir eldemiz. Jaraqatty emdeýdi bastap kettik. Bel endi burynǵydan da myqty bolady. Bul jaraqattyń qazir shyqqany durys boldy. Chempıondyq jekpe-jek aldynda bolsa qınalyp qalar edik. Bizge neniń qaıyrly ekenin Alla jaqsy biledi» dep jazdy Jánibek Álimhanuly.
Boksshynyń aıtýynsha, ol mamyr aıynda rıngke oralady.
Eske sala keteıik, biz buǵan deıin Jánibek Álimhanulynyń jaraqat alǵanyn jazǵan bolatynbyz.
Jánibek Álimhanuly Amerıkada jattyǵyp jatqan bolatyn. Ol orta salmaqtaǵy WBO Global chempıony. Sońǵy jekpe-jegin qyrkúıek aıynda ótkizgen.
Ol kezde argentınalyq boksshy Gonsalo Korııany (16-4, 6 KO) ekinshi raýndta nokaýtqa túsirdi.