Jánibek Álimhanuly Prezıdentke ýáde berdi

NUR-SULTAN. QazAqparat - Álem chempıony Jánibek Álimhanuly áleýmettik jelidegi paraqshasy arqyly Memleket basshysynyń quttyqtaý jedelhatyna jaýap berdi, dep habarlaıdy QazAqparat.

«Qurmetti Qasym-Jomart Kemeluly, quttyqtaý joldap, qanattandyrǵanyńyzǵa kóp raqmet.

Jańa Qazaqstannyń jańa álem chempıony atanyp, qazaq elin qýantqanyma qýanyshtymyn.

4 jyl buryn tarıh jasaımyz dep Amerıkaǵa attanyp edik. Búgin, mine WBO-nyń álem chempıony tıtýlyn alǵan tuńǵysh qazaq atandyq! Qazir álemdik sport jýrnalısteri QAZAQ STYLE týraly jarysa jazyp jatyr!

Biz endi bastadyq! Buıyrtsa, tórt salmaqta álem chempıony atanamyz! Álemge QAZAQ STYLE-dyń erekshe áli myqty stıl ekenin pash etemiz, tarıhta qaldyramyz!» - dep jazdy bylǵary qolǵap sheberi.

Aıta keteıik, budan buryn Prezıdent Qasym-Jomart Toqaev Jánibek Álimhanulyn quttyqtaǵan bolatyn.

Foto:sports.kz