Jánibek Álimhanuly men Dennı Dıgným jekpe-jeginiń ýaqyty anyqtaldy

NUR-SULTAN. QazAqparat - 22 mamyrda Las-Vegasta qazaqstandyq boksshy Jánibek Álimhanuly (11-0, 7 KO) brıtandyq Dennı Dıgnýmmen (14-0-1, 8 KO) WBO nusqasy boıynsha orta salmaqtaǵy «ýaqytsha» álem chempıony ataǵy úshin judyryqtasady. Bul týraly QazAqparat Sports.kz saıtyna silteme jasap habarlaıdy.

Qos sportshy arasyndaǵy jekpe-jekti «Habar» telearnasy tikeleı efırden kórsetedi. Translıatsııa Nur-Sultan ýaqytymen saǵat 8:00-de bastalady.

Jánibek Álimhanuly buǵan deıingi jekpe-jegin qarasha aıynda ótkizgen. Onda qazaq boksshysy segizinshi raýndta frantsýz boksshysy Hassan Ndam Njıkamdy (38-6, 21 KO) tehnıkalyq nokaýtpen jeńdi.

Dennı Dıgným rıngke sońǵy ret aqpan aıynda shyǵyp, altynshy raýndta otandasy Grant Dennısti (17-4, 3 KO) nokaýtqa túsirdi.

WBO tujyrymy boıynsha orta salmaqtaǵy tolyqqandy álem chempıony - amerıkalyq boksshy Demetrıýs Andrade (31-0, 19 KO). Ol da 22 mamyrda brıtandyq Zak Parkermen (22-0, 16 KO) judyryqtasýy tıis edi, biraq jaraqat alǵandyqtan, jekpe-jek keıinge qaldyryldy.

Eske salsaq, qazaqtandyq boksshy Gúlsaıa Erjan álem chempıonatyndaǵy alǵashqy jekpe-jegin sátti ótkizdi.