Jánibek Álimhanuly kásipqoı bokstaǵy chempıondarǵa úndeý jasady

NUR-SULTAN. QazAqparat – Jeńilip kórmegen qazaqstandyq boksshy Jánibek Álimhanuly (10-0, 6 KO) búgin AQSh-ta WBA-diń eks-chempıony Rob Brantty (26-3, 18 KO) jeńgennen keıin óz dıvızıonyndaǵy kil myqtylardy jekpe-jekke shaqyrdy, dep habarlaıdy QazAqparat.

«Jeńisterińiz qutty bolsyn, Qazaq eli! Allaǵa shúkir! Mansabymyzdyń jańa belesine shyqtyq. Biz myqtymyz. Bizdiń stıl myqty. Buıyrtsa QAZAQ STYLE-di tarıhta qaldyramyz. Qoldaýlaryńyzǵa kóp raqmet!», - dep jazdy boksshy Instagram-daǵy paraqshasynda.

Sondaı-aq Jánibek Twitter-akkaýntynda chempıondarǵa qarata aǵylshyn tilinde tvıt jazdy.

«Chempıondar, qaıdasyńdar? Senderdi nokaýtqa jibergim keledi», - dedi ol.

Eske salaıyq, búgin AQSh-tyń Las-Vegas qalasynda ótken boks keshinde Jánibek Álimhanuly amerıkalyq Rob Brantpen jekpe-jek ótkizip, jeńiske jetti. Ol altynshy raýndta qarsylasyn nokdaýnǵa jiberdi. Keıin R.Brant toǵyzynshy raýndqa shyǵýdan bas tartty.