Jánibek Álimhanuly – Haıme Mýngııa yqtımal jekpe-jegi týraly aıtyldy

NUR-SULTAN. QazAqparat - Boxingscene.com jýrnalısi Fransısko Salazar qazaqstandyq boksshy Jánibek Álimhanuly (11-0, 7 KO) men meksıkalyq Haıme Mýngııa (39-0, 31 KO) arasyndaǵy jekpe-jekti kórgisi keletinin aıtty, dep habarlaıdy QazAqparat Sports.kz-ke silteme jasap.

«Mine, Mýngııa úshin taǵy bir yqtımal qarsylas. Men ózindik stıl jekpe-jekterdi jasaıdy dep oılaı bastaǵannan keıin, maǵan Mýngııa – Álimhanuly jekpe-jegi qatty unaıdy. Bul – salmaqty aıqas», — dep jazdy Salasar Twitter-degi paraqshasynda.

Aıta keteıik, Jánibek Álimhanuly da Haıme Mýngııamen bolýy múmkin jekpe-jek týraly jıi aıta bastady. Bastapqyda boksshymyz brazılııalyq Eskıva Falkaomen (29-0, 20 KO) WBO nusqasy boıynsha orta salmaqtaǵy «ýaqytsha» álem chempıony ataǵy úshin aıqasady dep josparlanǵan bolatyn. Alaıda ázirge olardyń komandalary kelisimge kele almady. Mýngııaǵa keletin bolsaq, ol WBO Inter-Continental nusqasy boıynsha chempıon.