Jánibek Álimhanuly búgingi jekpe-jek jaıynda pikir bildirdi

ASTANA. QazAqparat - Qazaqstandyq kásipqoı boksshy Jánibek Álimhanuly WBO nusqasy boıynsha orta salmaqta álem chempıony ataǵyn qorǵaǵannan keıin pikirin bildirdi, dep habarlaıdy QazAqparat tilshisi.

AQSh-tyń Las Vegas qalasynda ótken jekpe-jekte Jánibek Álimhanuly (12-0, 8 KO) brıtanııalyq Denzel Bentlımen (17-1-1, 14 KO) qolǵap túıistirdi.

On eki raýndqa sozylǵan jekpe-jekte tóreshiler sheshimimen jeńis Jánibek Álimhanulyna berildi.

«Bul boks. Sharshy alańǵa boksshylar 100% daıyndyqpen keledi. Qarsylasyń da sondaı ázirlikte bolady. Men Bentlıge qurmetpen qaraımyn. Onyń daıyndyǵyna eshqandaı kúmándanǵan joqpyn. Bul - meniń 12 raýndqa sozylǵan alǵashqy jekpe-jegim. Áli kóp jumys jasaýym kerek. Qatelikterdi qaıtalamaý úshin eńbektenemin» - dedi Jánibek Álimhanuly jekpe-jekten keıingi suhbatynda.

Jánibek Álimhanuly 1993 jyly 1 sáýirde dúnıege kelgen. Áýesqoı boksta 2013 jyly álem jáne Azııa chempıony atansa, 2014 jyly Azııa oıyndarynda jeńimpaz boldy.

2016 jyldan beri kásipqoı boksta synǵa túsip júr.

Foto: sports.kz