Jánibek Álimhanuly boks chempıondaryna úndeý jasady

NUR-SULTAN. QazAqparat – WBO nusqasy boıynsha orta salmaqtaǵy álem chempıony qazaqstandyq Jánibek Álimhanuly álemdik boksshylarǵa úndeý jasady, dep habarlaıdy QazAqparat sportshynyń jelidegi paraqshasyna silteme jasap.

«Men boksshylardyń nelikten barlyq tıtýldardy biriktirgisi kelmeıtinin túsinbeımin. Meniń tıtýlym bar. Birigeıik, chempıondar!», - dep jazdy ol Twitter-degi paraqshasynda.

Eske sala keteıik, qazaqstandyq boksshy Jánibek Álimhanuly orta salmaqta WBO-dyń tolyqqandy álem chempıony atanǵan edi.

Dúnıejúzilik boks uıymy (WBO) resmı qaýly shyǵardy, onda qazaqstandyq boksshy Jánibek Álimhanulyn orta salmaqtaǵy WBO-dyń tolyqqandy álem chempıony dep jarııalanǵan.

Foto: instagram.com/janibek_alimkhanuly