Jánibek Álimhanuly Bentlımen kezdesýde qandaı qatelik jiberdi - bapkerdiń pikiri

ASTANA. QazAqparat - WBO nusqasy boıynsha orta salmaqtaǵy álem chempıony qazaqstandyq Jánibek Álimhanulynyń jattyqtyrýshysy Djeıms «Baddı» Makgırt tálimgeriniń brıtandyq Denzel Bentlımen jekpe-jekte jibergen basty qateligin aıtty, dep jazady QazAqparat Sports.kz-ke silteme jasap.

«Jánibek qarsylasyn tez nokaýtqa túsirem dep oılady, biraq olaı bolmady. Bizge ádis-tásilimizdi ózgertý kerek boldy. Jekpe-jektiń ortasynda qarsylasymyz qashyqtyqty qysqarta bastady, sodan keıin men: «Tyńdashy, bul jigitpen bulaı bokstasýǵa bolmaıdy. Sen ony qysymǵa alýyń kerek» dedim. Ol meniń aıtqanymdy oryndap, qarsylasyn baqylaýyna aldy.

Alǵashqy raýndtarda Bentlı Jánibektiń aılasyna boı usynǵan edi, keıin sál kidiris jasap, Álimhanulynyń jalǵyz soqqymen ǵana shektelip jatqanyn baıqap, sol sátti paıdalanyp ketti. Soǵan qaramastan, Jánibek onynshy raýndtan bastap shıraq qımyldaı bastady da jekpe-jektiń sońyna deıin basymdyq tanytty», - dedi jattyqtyrýshy.

Eske salaıyq, Jánibek Álimhanuly men Denzel Bentlı 12 qarashada AQSh-tyń Nevada shtatyndaǵy Las-Vegas qalasynyń Palms Casino Resort kesheninde jekpe-jek ótkizgen bolatyn. Tóreshilerdiń biraýyzdan qabyldaǵan sheshimimen qazaqstandyq boksshy jeńiske jetti.

Foto: sports.kz