Jánibek Álimhanuly álem chempıondaryn jekpe-jekke shaqyrdy

NUR-SULTAN. QazAqparat – Orta salmaqtaǵy qazaqstandyq boksshy Jánibek Álimhanuly óz sanatyndaǵy álem chempıony tıtýly úshin taǵy da aıqasýǵa daıyn ekenin málimdedi, dep habarlaıdy QazAqparat boksshynyń jelidegi paraqshasyna silteme jasap.

Qazirgi kezde orta salmaqta Djermall Charlo (WBC) men Demetrıýs Andrade (WBO), qazaqstandyq Gennadıı Golovkın (IBF, IBO) men Japonııa ókili Rıota Mýrata (WBA Super) álem chempıondary bolyp sanalady.

«Chempıondyq aıqasqa túskim keledi. Men WBO reıtınginde ekinshimin. Mýngııa – reıtıngidegi birinshi nómir. Olardyń menimen aıqasýǵa kelispeıtinin bilemin. Óıtkeni olardy nokaýtqa jiberetinimdi biledi. Andrade? Ol qaıda? Maǵan meniń WBO nusqasy boıynsha álem chempıony tıtýlym kerek», - dep jazdy Twitter-de Jánibek, óziniń promoýteri Bob Arýmnyń, WBO prezıdenti Frantsısko «Pako» Valkarseldiń jáne WBS basshysy Mýrısıo Sýleımenniń akkaýnttaryn belgilep.

Eske sala ketsek, 27 maýsym kúni Las-Vegasta ótken judyryqtasýda Jánibek WBA-nyń ortasha dıvızıonda burynǵy álem chempıony Rom Brantty tehnıkalyq nokaýtpen jeńdi. Ol kásipqoı bokstaǵy onynshy jeńisine qol jetkizdi.