«Jańǵyrý» jobasy birligi bekem alǵyr býyndy qalyptastyryp úlgerdi - Oljas Ábýov

ASTANA. QazAqparat - Qadamy baısaldy, qarymy nyq jas memleket HHІ ǵasyrdyń shırek kezeńine baǵyt ala «Rýhanı jańǵyrý» jolyn tańdap, «ulttyq kody» arqyly «bolashaqqa baǵdaryn» aıqyndap keledi. Kóptiń kóńilin dóp basqan tyń baǵyt Ortalyq Azııadaǵy ordaly elge az jaýapkershilik júktep otyrǵan joq. «Rýhanı jańǵyrý» - esemiz ketken tarıhty túgendeý, ótkennen sabaq alyp, keleshekke kemel qadam basý.

Qazaqstandyq joldy shamshyraq qylyp el úshin eńbek etý endigi kezekte jas urpaqtyń enshisinde. Al adam kapıtaly alǵa shyqqan HHІ ǵasyrda memleketimiz álem elderimen bul turǵyda básekege túsýge qabiletti me? Elimizdegi jas býynnyń qadamyn saralamaq nıette «Qazaqstan - 2050» jalpyulttyq qozǵalysy «Jańǵyrý» korporatıvtik oqytý jobasyn qolǵa alyp otyr. Tuńǵysh ret júzege asyrylǵaly jatqan tyń jobanyń maqsaty men muratyn bilmek oımen atalǵan uıymnyń atqarýshy dırektory Oljas Ábýovty áńgimege tarttyq.

- Oljas Aıdaruly, «Jańǵyrý» korporatıvtik oqytý jobasynyń maqsat-muraty qandaı?

- Biz bıylǵy jyldyń 29 qyrkúıegine deıin ótinimderdi qabyldadyq. 126 ótinim kelip túsip, onyń ishinde iriktelgen 50 qatysýshy úshin arnaıy trenıngterdi ótkizdik. Bul trenıngter 17 qazanda aıaqtalyp, joba aıasynda «GenevaBusinessSchool»-men birlese otyryp, oıy ozyq júldegerlerge tegin oqý granttaryn beremiz. Endigi kezekte iriktelgen 50 qatysýshyǵa bıznes-keısterdi tapsyrdyq. Qatysýshylardyń usynystary men sheshimderi arqyly olardyń arasynan eń úzdik júldegerlerdi iriktep alamyz. Jobanyń ekinshi kezeńinde 10 adamdy iriktep, olardyń ishinde beseýine júlde tapsyramyz. 1-orynǵa MBA baǵdarlamasy boıynsha bilim berý granty usynylsa, 2-orynǵa MBA baǵdarlamasy boıynsha bilim alýǵa 75% jeńildik,  3-orynǵa 50 % jeńildik,  4- jáne 5-oryndarǵa 25% jeńildikten beriledi. Bir sózben, «SamrukKazynaTrust» qory men «Jobalardy basqarý tehnologııasy» JShS-men (PMT.KZ) birlesip júzege asyryp otyrǵan «Qazaqstan - 2050» jalpyulttyq qozǵalysynyń «Jańǵyrý» korporatıvtik oqytý» jobasynyń maqsaty - jastarǵa bilim berý, jeke kóshbasshylyq qabilettiligi men daǵdysyn shyńdaý, kásipti jáne áleýmettik kásipkerlikti tıimdi júrgizýdi úıretý arqyly adam kapıtalyn damytý.

- MVA baǵdarlamasy jeńimpazdarǵa qandaı múmkindik beredi?

- MVA baǵdarlamasy boıynsha oqytatyn «GenevaBusinessSchool» - bıznes salasynadǵy úzdik oqý oryndarynyń biri. Olardyń Astana qalasyndaǵy óziniń fılıaldary bar. Oqý osy Astana qalasynda aǵylshyn tilinde júredi. Biraq, oǵan túskender sońǵy synaqtaryn Jenevaǵa baryp tapsyrady. Demek, ony támamdaǵan qatysýshyda eýropalyq dıplom bolady degen sóz.

- 50 adamǵa trenıngterdi kimder qaı sala boıynsha ótkizdi?

- Qatysyýshylar trenıngterdiń barysynda «Jeke kóshbasshylyq», «Úkimettik emes uıymdar» jáne «Bıznes» modýlderi boıynsha dáris tyńdady. Jalpy salanyń úzdik spıkerleri qatysýshylarǵa semınar ótkizdi. Máselen, Keńestiń múshesi jáne Eýrazııalyq ıntegratsııa ınstıtýtynyń dırektory Ǵanı Nyǵmetov jeke kóshbasshylyq pen menedjment boıynsha eki ret lektsııa oqydy. Menińshe, Ǵanıdaı óz salasynyń úzdikteriniń jastarǵa aıtary mol. Merýert Júnisbek sekildi lektorlardyń dárisi keremet. Ózge de myqty mamandar trenıngterdi qazaq jáne orys tilinde ótkizdi.

- Jobanyń ataýy tekke «Jańǵyrý» dep atalmady ǵoı...

- Bul korporatıvtik oqytýdy biz «Rýhanı jańǵyrý» maqalasy, onyń ishinde adam kapıtalyn damytý boıynsha ótkizip jatyrmyz. ıAǵnı, adam óziniń aldyna qoıǵan maqsatyna qalaı jetýi kerek, bilimge degen qushtarlyǵyn qalaı kóbeıtýi tıis, belsendilik qabiletin qalaı joǵarylatý kerek - osy úsh modýldy negizge aldyq. Oqytý barysynda qatysýshylardyń barlyǵy bir-birimen berik dostyq ornatyp, shynaıy kásibılikti damytýda jaqyndaǵanyn kórip otyrmyz. Bizde vatsap tobymyz bar. Sol jerde barlyǵy bir-birimen belsendi túrde sóılesip, tájirıbe almasyp, bilim deńgeıleriniń kóterilip kele jatqanyn bildik. «Jańǵyrý» jobasy birligi bekem jas býyndy qalyptastyryp úlgerdi.

 

- Jeńimpazdar qalaı anyqtalady?

- Bıznes salasyndaǵy franshızany qalaı damytýǵa bolatynyn, Qazaqstanda startap jobalardy bastarda qalaısha táýekelderdi tómendetip, alǵa qoıǵan maqsattarǵa jetýdi, bıznes-jobany qalaı aıaqqa turǵyzýǵa bolatyny týraly sharttar qoıylady. Óziniń tek bilimi ǵana emes, onyń ótili men tájirıbesiniń barlyǵy osy bıznes-keısti sheship jatqany kezinde anyqtalady. Bul tek qana ınternetten nemese kitaptan alynatyn málimetti óńdep bere salý emes, tájirıbe men analız júrgizýge negizdelgen. Jalpy aıtqanda bıznes-keısti sheshýdiń ózi biraz jumys. Eki-úsh aptadaı ýaqyt berdik. Osy ýaqytqa deıin bári sheship, usynystaryn berdi. Biz qazir aldyn ala bárin qarap shyqtyq. Bıznes-keısterdiń sheshimderi óte joǵary deńgeıde jasalǵanyn kórip otyrmyz. Endigi kezekte bıznes-keısterdiń sheshiminiń 13 qarashada tusakeserin ótkizemiz. Tusaýkeser ótkizer kezde júldegerlerdiń beseýi anyqtalady.

- Jalpy, qatysýshylar búkil Qazaqstannan kelip otyr ma?

- Jobaǵa qatysýshylardyń deni búkil Qazaqstannan kelip otyr. Almaty, Pavlodar, ShQO, BQO - barlyq óńirler bar.

- Bul jobanyń aıasyn keńeıtý josparlaryńyzda bar ma?

- Jobany bıyl birinshi ret qolǵa aldyq. Alǵashqy nátıjeni kórgennen keıin kelesi jyldary da jalǵastyramyz degen oıymyz bar. Buny tek Astanada ǵana emes, basqa qalalarda da qola alsaq deımiz. Jobamyzǵa kóbinese bıznes salasynyń mamandary kelip jatyr. Arasynda álbette, Ulttyq kompanııalardan, memlekettik qyzmettiń, BAQ ókilderi de bar. Bes júldegerdi anyqtap bolǵannan keıin biz ankeatalaýdy júrgizip, qatysýshylardyń ózderiniń oılarymen bólisýdi surap otyrmyz. Qandaı nátıje bar, saraptama jasap, kelesi jyly jobamyzdyń aıasyn keńeıtýdi josparladyq. Trenıngterdiń de ýaqytyn 12 kúnmen shektelmeı, úlkeıtýimiz múmkin.

- Suhbat bergenińizge rahmet! Jumystaryńyzǵa sáttilik tileımin.

- Sizge de kóp rahmet!