Jańǵaqtar baǵasy bir jylda 3,9% ósti

<p>Fýndýk, badam, keshıý, grek jańǵaǵy sııaqty jańǵaqtardyń baǵasy jyldyq mánde (2022 jyldyń tamyzy men 2023 jyldyń tamyzyn salystyrǵanda) 3,9% qymbattady, dep habarlaıdy Ulttyq statıstıka bıýrosynyń baspasóz qyzmeti.</p>

Aıta ketý kerek, Qazaqstan óńdelgen jáne konservilengen jemister men jańǵaqtardy óndiredi, byltyrǵy qańtar-shildemen salystyrǵanda bıylǵy sáıkes ýaqyt aralyǵynda óndiris kólemi 42,1% ósti.

Osylaısha, bıyl 7 aı ishinde Qazaqstanda 5,9 myń tonna óńdelgen jáne konservilengen jemis pen jańǵaq óndirildi.

Degenmen ımporttalatyn ónimniń úles salmaǵy áli de basym, naryqtaǵy ónimniń 93,9% syrttan ákelingen – 90,2 myń tonna.

Alǵashqy jeti aı ishinde ishki naryqta saýdalanǵan ónim kólemi 89,2 myń tonnany qurady — bul ótken jylmen salystyrǵanda 19,4% artyq.