Jandos Búrkitbaev: Jappaı revaktsınatsııa júrgizýdi tezdetý qajet

NUR-SULTAN. QazAqparat – Elimizde 9,2 mln adam revaktsınatsııadan ótýi kerek. Bul týraly Úkimet otyrysynda QR Densaýlyq saqtaý mınıstriniń mindetin atqarýshy Jandos Búrkitbaev aıtty, dep habarlaıdy QazAqparat tilshisi.

«Dúnıejúzilik densaýlyq saqtaý uıymynyń derekteri boıynsha COVID-19-ǵa qarsy vaktsına salý is-sharasy tıimdiligin kórsetti. Sonymen qatar, birqatar sheteldik zertteýlerdiń nátıjesine sáıkes ekpe alǵan adamdarda ınfektsııadan qorǵaý 6 aıdan keıin orta eseppen 1,8 ese tómendeıdi», - dedi ol.

Onyń atap ótýinshe, qazirgi ýaqytta KVI boıynsha turaqty epıdemıologııalyq jaǵdaıdy saqtaý óte mańyzdy. Osyǵan baılanysty, jergilikti atqarýshy organdar halyqqa vaktsınatsııa júrgizýdi kúsheıtý kerek. Jappaı revaktsınatsııa júrgizýdi tezdetý qajet.

«Revaktsınatsııaǵa 9,2 mln adam jatady. Onyń ishinde 400 myńnan astam adam revaktsınatsııadan ótken. Revaktsınatsııa jasaý úshin vaktsınanyń jetkilikti kólemi bar. Osy jylǵy jeltoqsannan bastap 2022 jylǵy birinshi toqsan arasynda vaktsınanyń 5 mln doza jetkizilýi josparlandy», - dedi Jandos Búrkitbaev.