Jándikter men kemirgishterdi joıý: Astanada kóktemgi deratızatsııa jumysy bastalady

<p>ASTANA. Elordanyń Qorshaǵan ortany qorǵaý jáne tabıǵatty paıdalaný basqarmasy Astanada kóktemgi deratızatsııa jumysyn ótkizýdi bastaıdy.&nbsp;&nbsp;</p>

Elorda ákimdigi resmı saıtynyń habarlaýynsha, kemirgishterdi joıý jónindegi is-sharalar jeke sektordy jáne ashyq aýmaqtardy (saıabaqtar, zırattar, ózender, sý qoımalary men kanaldar) qamtıtyn bolady. 

Jeke sektor turǵyndary arnaıy ýly preparattardy tegin alady, sondaı-aq sol jerde qaýipsizdik nusqaýlary ótkiziledi. Mamandar turǵyn úılerdi 3 týr arqyly óńdeıdi, ıaǵnı, dezınfektorlar jeke sektorlarǵa 3 ret kiredi. 28 myńnan astam turǵyn úıdi óńdeý josparlanyp otyr. Úı ıeleri saqtyq sharalary týraly umytpaý kerek jáne ýly preparattardy balalardyń qoly jetpeıtin jerlerde: jertólelerde nemese úıdiń tóbesinde saqtaý kerek.

Deratızatsııa ashyq alańdarda júrgiziledi. Ýly preparattarmen óńdeý ózenderdiń, kanaldardyń, sý aıdyndarynyń jaǵasynda, zırattarda, saıabaqtarda júrgiziledi. Óńdeletin ashyq aýmaqtardyń aýdany 3 264 gektardy quraıdy.

Deratızatsııa QR-da qoldanýǵa ruqsat etilgen quramynda bromadıolon jáne brodefor preparattaryn qamtıtyn dán túrindegi ýly preparattardy paıdalana otyryp júrgiziledi. Mundaı sharalar kemirgishter sanyn azaıtý jáne asa qaýipti juqpaly aýrýlardyń taralýyn boldyrmaý úshin qajet.