Jandarbek Bekshın: Oqýshylar - koronavırýsty gıpertaratýshylar

ALMATY. QazAqparat- Almaty qalasynyń bas sanıtarııa dárigeri Jandarbek Bekshın oflaın formatta oqıtyn mektep oqýshylary arasynda koronavırýs ınfektsııasynyń taralý úderisi týraly aıtty, dep habarlaıdy QazAqparat tilshisi.

Onyń málimetinshe, mektep oqýshylary ınfektsııany gıpertaratýshylar.

«Biz oqýshylarǵa erekshe nazar aýdarymyz. Sebebi olar ınfektsııanyń gıpertaratýshylary. Qazir qalada 287 myń bala oflaın formatta oqyp jatyr. 1 qyrkúıekten bastap 1 287 oqýshy aýyrdy, onyń 15-i statsıonarlarǵa tústi, qalǵandary jeńil túrimen aýyrǵandyqtan úıde oqshaýlandy. Qazir olardyń 900-den astamy mektepke oraldy. Sonymen qatar, onlaın-oqýda qalǵan oqýshylar arasynda 1 039 adam juqtyrdy. Biz mektepte oqıtyndardyń tek 0,45 paıyzy, al onlaın rejıminde oqıtyndardyń 5,4 paıyzy aýyrǵanyn kórip otyrmyz. Oflaın oqýda oqýshylardyń aýrýshańdyǵy 12 ese tómen boldy», - dedi Jandarbek Bekshın.

Spıkerdiń sózinshe, mektepterde oqıtyn balalar 12 ese az aýyrdy.

«Almatynyń birde-bir mektebi jáne aýysymdardyń eshqaısysy 1 qyrkúıekten bastap karantınge jabylǵan joq. Bilim mekemeleriniń 30 paıyzynda koronavırýs anyqtalǵan jaǵdaıda ǵana mektepter jabylady. Bizde mundaı jaǵdaı tirkelgen joq. Kerisinshe, tamyz aıynan bastap oqýshylar arasynda syrqattaný táýligine 100 jaǵdaıdan táýligine 38-42 jaǵdaıǵa deıin azaıdy»,-deıdi ol.