Jandarbek Bekshın: «Delta» shtamyn kóbine jastar juqtyrýy múmkin

ALMATY. QazAqparat - Almatynyń bas sanıtar dárigeri Jandarbek Bekshın koronavırýstyń jańa «delta» shtamy týraly aıtty, dep habarlaıdy QazAqparat tilshisi.

Onyń aıtýynsha, jańa «delta» shtamynyń belgisi sýyq tııý sımptomdaryna uqsas.

«Bul shtamdy kóbinese jastar juqtyrady. Basty sımptomy – bas aýrýy, tumaý, angına, joǵary temperatýra. Iis sezý qabileti joǵalmaıdy jáne jótel bolmaıdy», – dedi Jandarbek Bekshın.

Sondaı-aq ishtiń aýyrýy, qusý, tynys jolynyń tarylýy múmkin.

Jandarbek Bekshın tek vaktsına ǵana aýrýdy juqtyrmaýǵa ári ólimdi azaıtýǵa septigin tıgizetinin atap ótti.

«Búginde Almatyda 386 222 adam vaktsınalandy. Ótken táýlikte koronavırýsqa qarsy 5 840 adam ekpe aldy. 60 jastan joǵary ekpe alǵan adam sany - 49 314. Jastar qorǵanys sharalaryna jaýapkershilikpen qarap, vaktsına alýǵa barýy kerek»,- dedi ol.