Jandarbek Bekshın Arbat nege jabylǵanyn túsindirdi

ALMATY. QazAqparat – Almaty qalasy sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın onlaın brıfıng barysynda Arbattyń jabylý sebebin túsindirdi, dep habarlaıdy QazAqparat tilishisi.

«Jaıaý júrginshiler aımaǵynda, birinshi kezekte Jibek Joly, Panfılov, saıabaq aımaqtarynda adamdar kóp jınalatyny baıqalady. Myńdaǵan adam. Elde ınfektsııa tarap jatyr. Fotoderekter tirkelgen. Turǵyndar Almaly ákimdigine shaǵymdanyp jatyr. Zańbuzýshylyq kóp, onyń ishinde tynyshtyqty buzý jáne basqalary. Pılottyq jobada shekteý qandaı nátıje beretinin kórýdi uıǵardyq»,-dedi Jandarbek Bekshın.

Sonymen qatar Almaly ákimdigi shekteý sanıtarııa turǵysynan kóshelerde tártip ornatýǵa, sondaı-aq halyqtyń jınalý jaǵdaılaryn toqtatýǵa múmkindik bergenin aıtty.

«Osyǵan baılanysty jaqyn arada biz Jibek Joly kóshesinde qozǵalysty toqtatý jaǵyn, sondaı-aq saıabaqtarǵa shekteý engizý máselesin qarastyramyz. Adamdar maska rejımin saqtamaıdy, jastar 20-30 adamnan jınalady. Mundaı jaǵdaıda koronvırýs juqtyrý jaǵdaıyn turaqtandyra almaımyz», - dedi ol.

Buǵan deıin, Jandarbek Bekshın jańa qaýlyǵa qol qoıdy, qujatqa sáıkes demalys kúnderi Arbat boıymen serýendeýge tyıym salynǵan.