Jandarbek Bekshın: Almatylyqtar maska taqpaıdy, toı ótkizedi

ALMATY. QaZaqparat - Almaty qalasy sanıtarlyq-epıdemıologııalyq baqylaý departamentiniń basshysy Jandarbek Bekshın megapolıste 20-39 jas aralyǵyndaǵy adamdardyń koronavırýs ınfektsııasyn juqtyrýy jıilep ketkenin jetkizdi, dep habarlaıdy QazAqparat tilshisi.

Onyń aıtýynsha, halyqtyń bul sanatynyń vaktsınalaný belsendiligi tómen jáne olar karantın rejımin jıi buzady.

«Epıdemıologııalyq zertteý nátıjeleri boıynsha 20-39 jas aralyǵyndaǵy azamattarda qaýipti indetti juqtyrý 31,2%, 40-59 jastaǵylarda 24%, 60 jastan asqan qart adamdarda 23%. Infektsııa juqtyratyn negizgi oryndar burynǵysha saýda obektileri - 34%, otbasylyq baılanys - 19,5%, qoǵamdyq kólikter - 17,8%», - dedi Almaty qalasynyń bas sanıtarlyq dárigeri.

Almaty qalasynyń bas sanıtarlyq dárigeriniń sózinshe, vırýstyń taralýy tómendeı bastady, biraq bul ınfektsııa ketti degendi bildirmeıdi.

«Azamattar derttiń qanshalyqty qaýipti ekenin túsinýi tıis. Ásirese 60 jastan asqandar qater tobynda, óıtkeni, ólim kóbinese halyqtyń osy sanatynda bolady. Jasyna qaraı kóptegen adamdarda sozylmaly aýrýy bar, dert juqqan kezde olar órshı túsedi. Sondyqtan remıssııa kezeńinde ekpe alý qajet. Koronavırýsty vaktsına ǵana jeńedi», - dedi ol.

Jandarbek Bekshın halyqty vaktsınalaýdy kúsheıtýge jáne qoǵamdyq oryn men kólikte maska rejımin saqtaýǵa shaqyrdy. Ol qala turǵyndarynan adam kóp jınalatyn nysanǵa, túngi klýb, meıramhana, dámhanaǵa barmaýǵa jáne úıdegi buqaralyq is-sharany shekteýge keńes berdi.

«Almatylyqtar toıdy toqtatpaı otyr. Maska taǵý rejımin de elemeıdi»,-deıdi ol.