Jańbyr, qar, sý tasqyny: Sınoptıkter birneshe óńirde eskertý jarııalady
Qyzylorda oblysynda jel soltústikten, soltústik-shyǵystan soǵady, oblystyń soltústigi men ortalyǵynda ekpini 15-20 m/s quraıdy.
Kúndiz Mańǵystaý oblysynyń soltústigi men ortalyǵynda shańdy daýyl turady. Shyǵystan, ońtústik-shyǵystan jel soǵady, óńirdiń batysynda, soltústigi men ortalyǵynda kúshi 15-20 m/s quraıdy.
Qostanaı oblysyndajaýyn-shashyn (kóbinese jańbyr túrinde) kútiledi. Oblystyń soltústigi men shyǵysynda jaıaý burqasyn bolady. Óńirdiń ońtústiginde tuman, kóktaıǵaq boljanady. Soltústik-batystan soǵatyn jel ońtústik-batysqa aýysyp, jyldamdyǵy 23 m/s artady. Aýa temperatýrasy kúndiz 0-5 aıaz, oblystyń ońtústiginde +3 jyly bolady.
Túnde Qaraǵandy oblysynyń batysynda, soltústiginde, kúndiz soltústigi men shyǵysynda jaýyn-shashyn (jańbyr, qar), kóktaıǵaq kútiledi. Jeldiń ekpini – 15-20 m/s.
TúndeAqmola oblysynyńbasym bóliginde, kúndiz soltústigi men shyǵysynda jaýyn-shashyn (kóbinese qar túrinde) bolady. Oblystyń soltústiginde, shyǵysynda, batysynda jaıaý burqasyn, kóktaıǵaq boljanady. Óńirdiń batysynda tuman kútiledi. Jeldiń ekipin – 15-20 m/s.
Ulytaý oblysynyń soltústigi men shyǵysynda jaýyn-shashyn (jańbyr, qar), tuman, kóktaıǵaq kútiledi. Jeldiń ekpini – 15-20 m/s.
Túnde jáne tańerteń Batys Qazaqstan oblysynyń soltústigi men shyǵysynda tuman kútiledi. Jeldiń ekpini – 15-20 m/s.
Aqtóbe oblysynyń ońtústigi men shyǵysynda tuman, kóktaıǵaq kútiledi. Jeldiń kúshi – 15-20 m/s.
Kúndiz Atyraý oblysynyń batysynda, shyǵysy men ońtústiginde shańdy daýyl kútiledi. Shyǵystan, ońtústik-shyǵystan jel soǵady, kúndiz oblystyń shyǵysynda, ońtústiginde, batysynda ekpini 15-20 m/s quraıdy.
Tańerteń jáne kúndiz Pavlodar oblysynyń basym bóliginde jaýyn (jańbyr, qar) jaýyp, óńirdiń batysy men ońtústiginde kóktaıǵaq bolady. Tańerteń jáne kúndiz oblystyń basym bóliginde jeldiń ekpini 15-20 m/s quraıdy. Aýa temperatýrasy – kúndiz 2 gradýs aıaz -3 jyly, oblystyń ońtústiginde 8 gradýs jyly.
Almaty oblysynyń batysynda, ońtústiginde, taýly aýdandarynda tuman kútiledi.
Almaty qalasynda túnde jáne tańerteń tuman boljanady.
Túrkistan oblysynyń soltústiginde tuman bolady. Soltústik-shyǵystan jel soǵady, tańerteń jáne kúndiz óńirdiń soltústiginde, batysynda, taýly aýdandarynda jeldiń kúshi ekpini 23 m/s jetedi.
Sondaı-aq15-17 naýryz aralyǵynda Úlken jáne Kishi Almaty sý alaptarynda qar jamylǵysynyń turaqsyzdyǵy men bıiktiginiń joǵary bolýyna, sondaı-aq qatty jaýyn-shashynnyń kútilýine baılanysty qar kóshkini qaýpi saqtalady.
15-17 naýryz aralyǵynda Aqmola, Soltústik Qazaqstan, Pavlodar jáne Shyǵys Qazaqstan oblystaryndaqar aralas jańbyr jaýyp, aýa temperatýrasynyń joǵarylaýyna baılanysty qar qardy erıdi. Saldarynan tasqyn sý qalyptasyp, ózen-kólderde muz álsireıdi, sý deńgeıi kóterilip, arnasynan asýy yqtımal.
15-17 naýryz aralyǵynda Batys Qazaqstan jáne Aqtóbe oblystarynda joǵary aýa temperatýrasynyń saqtalýy men odan ári joǵarylaý boljamyna sáıkes qardyń qarqyndy erýi, tasqyn sýdyń qalyptasýy, muzdyń álsireýi jáne ózenderde sý deńgeıiniń kóterilýi saqtalady. Bul rette sýdyń jaıylýy jáne tasqyny bolýy múmkin.
Atyraý oblysynyń Qyzylqoǵa aýdanyndaǵy ózenderde sý deńgeıiniń kóterilýi kútiledi jáne eldi mekenderi sý basý qaýpi bar.