Jańbyr, burshaq, naızaǵaı: almatylyqtarǵa eskertý jarııalandy

ALMATY. QazAqparat- Almatyda nóser jańbyr men burshaq jaýady. Qalanyń tótenshe jaǵdaılar departamenti turǵyndarǵa eskertý jasady, dep habarlaıdy QazAqparat tilshisi.

«Qazgıdromettiń» eskertýine sáıkes 28 tamyz kúni Almatyda nóser jaýyn men burshaq jaýyp, naızaǵaı oınady. Ońtústik-batystan soqqan jeldiń ekpini 3-8, naızaǵaı kezinde 15-20 m / s. jetedi», - delingen habarlamada.

Osy oraıda qalalyq TJD júrgizýshilerden kólikterin kóshede qaldyrmaı, avtoturaqqa qoıý kerektigin eskertedi.

Sondaı-aq, kólikterdi jaryq jelisi tartylǵan jerden aýlaq qoıý kerektigin eske salady.

Odan bólek, Almaty taýlarynda glıatsıaldy (muzdyq) jáne nóserli sıpattaǵy sel qaýpi saqtalady.

«Qurmetti týrıster, Almaty qalasynyń turǵyndary men qonaqtary: sel tasqynyna qalyp qalǵan jaǵdaıda, qutqaryp qalýǵa múmkindik joq. Sel tasqyny qaýpine baılanysty Іle Alataýy taýlaryna barmaýlaryńyzdy suraımyz»,- dep eskertti tótenshelikter.

Aıta keteıik megapolıste túnde bastalǵan jaýyn úzilispen áli jaýyp tur.