Jańbyr, burshaq, naızaǵaı: 17 óńirde eskertý jarııalandy

ASTANA. QazAqparat – «Qazgıdromet» RMK 27 maýsymda kún raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Qyzylorda oblysynda soltústik-batystan soǵatyn jeldiń ekpini óńirdiń soltústigi men ortalyǵynda 15-20 m/s quraıdy. Oblystyń batysy men shyǵysynda tótenshe órt qaýpi saqtalady. Al óńir ortalyǵynda joǵary órt qaýpi kútiledi.

Astana qalasynda naızaǵaı oınap, kúndiz burshaq jaýady. Ońtústik-batystan jel soǵady, kúndiz kúshi 23 m/s artýy yqtımal.

Kúndiz Almaty oblysynyń soltústigi men taýly aýdandarynda naızaǵaı kútiledi. Ońtústik-batystan jel soǵady, naızaǵaı kezinde ekpini 15-20 m/s quraıdy.

Atyraý oblysynyń shyǵysy men ońtústiginde tótenshe órt qaýpi saqtalady.

Túnde jáne tańerteń Kostanaı oblysynyń ortalyǵy men shyǵysynda qatty jańbyr jaýady. Óńirdiń soltústigi men shyǵysynda naızaǵaı, burshaq, daýyl boljanady. Soltústikten, soltústik-batystan jel soǵady, keı ýaqytta jyldamdyǵy 23-28 m/s jetýi yqtımal. Óńirdiń ońtústiginde tótenshe órt qaýpi kútiledi.

Batys Qazaqstan oblysynyń ońtústik-shyǵysynda órt tutanýdyń joǵary qaýpi saqtalady.

Pavlodar oblysynyń batysy men soltústiginde qatty jańbyr, naızaǵaı, burshaq boljanady.Túnde oblystyń batysynda, soltústiginde jeldiń ekpini 15-20 m/s, kúndiz basym bóliginde 15-20 m/s quraıdy. Ońtústik aýmaqta ekpini 23-28 m/s deıin jetedi.

Aqmola oblysynyń soltústigi men batysynda qatty jańbyr jaýady. Oblystyń soltústiginde, batysy men shyǵysynda naızaǵaı, daýyl, kúndiz burshaq kútiledi. Ońtústik-batystan soǵatyn jel soltústik-shyǵysqa aýysyp, kúshi 15-20 m/s quraıdy. Óńirdiń soltústiginde, batysy men shyǵysynda ekpini 23-28 m/s jetedi.

Kúndiz Jetisý oblysynyń taýly aýdandarynda naızaǵaı boljanady. Ońtústik-batystan jel soǵady, oblystyń soltústiginde, shyǵysy men taýly aýdandarynda ekpini 15-20 m/s quraıdy. Óńirdiń basym bóliginde órt tutanýdyń joǵary qaýpi saqtalady.

Aqtóbe oblysynda soltústik-batystan, soltústikten jel soǵady, kúndiz oblystyń shyǵysynda, ońtústiginde ekpini 15-20 m/s quraıdy. Óńirdiń ońtústiginde tótenshe órt qaýpi saqtalady.

Túnde Ulytaý oblysynyń shyǵysynda naızaǵaı oınap, batystan, ońtústik-batystan jel soǵady. Kúndiz jeldiń ekpini 23-28 m/s artady. Óńirdiń ońtústiginde tótenshe órt qaýpi saqtalady.

Mańǵystaý oblysynyń basym bóliginde tótenshe órt qaýpi saqtalady.

Qaraǵandy oblysynyń soltústiginde, shyǵysy men ońtústiginde naızaǵaı, burshaq, daýyl boljanady. Kúndiz jeldiń jyldamdyǵy 23-28 m/s jetedi. Óńirdiń ońtústiginde tótenshe órt qaýpi saqtalady.

Soltústik Qazaqstan oblysynyń basym bóliginde jańbyr jaýady. Túnde óńirdiń batysynda, kúndiz oblystyń shyǵysynda qatty jańbyr kútiledi. Oblystyń soltústiginde, batysy men shyǵysynda naızaǵaı, burshaq, daýyl boljanady. Soltústik-shyǵystan, soltústikten jel soǵady, kúshi 15-20 m/s quraıdy. Ekpini 23-28 m/s jetýi yqtımal.

Kúndiz Túrkistan oblysynyń taýly aýdandarynda soltústik-batystan jel soǵady, kúshi 15-20 m/s quraıdy. Óńirdiń basym bóliginde tótenshe órt qaýpi saqtalady.

Shymkent qalasynda órt tutanýdyń tótenshe qaýpi saqtalady.

27-29 maýsymda kúndiz Jambyl oblysynyń taýly aýdandarynda naızaǵaı kútiledi. 27 maýsymda – kúndiz, 28-29 maýsymda táýlik boıy ońtústik-batystan soǵatyn jel soltústik-shyǵys jeline aýysyp, óńirdiń ońtústik-batysynda, soltústik-shyǵysynda, taýly aýdandarynda kúshi 15-20 m/s quraıdy.