Janbota Aldabergenova Koreıadaǵy tamaq týraly: Eń bastysy et bar

PHENChHAN. QazAqparat - Koreıanyń Phenchhan qalasynda kúni keshe HHIII qysqy Olımpıada alaýy tutanǵan bolatyn. Aq Olımpıada oıyndarynda frıstaıldyń akrobatıka túrinen el namysyn Janbota Aldabergenova qorǵaıdy. Dúbirli doda aldynda qazaqstandyq sportshy daıyndyq týraly «QazAqparat» tilshisine áserimen bólisken edi.

- Janbota Erkinqyzy, kópten kútken Olımpıadanyń alaýy tutandy. Qandaı sezimdesiz?

- Iá, armandaǵan kúnderge  kelip jettik. Endi sol armannyń oryndalǵan sátin kórý, seziný ǵana qaldy. Dál qazirgi kóńil-kúıim jaqsy. Kúndelikti jattyǵýymdy da oıdaǵydaı jasaýdamyn. Búgin bizde Olımpıada aldyndaǵy sońǵy jattyǵýymyzdyń alǵashqy kúni. Qazir jattyǵý alańyna shyǵaıyn dep jatyrmyn. Al keste boıynsha men saıysqa 15 aqpanda shyǵamyn.

- Koreıanyń aýa raıyna úırenip qalǵan bolarsyz?

- Iá, aýa raıy da alǵashqy kelgen kúnderge qaraǵanda, qolaıly sııaqty. Múmkin aýa raıyna úırenip qaldyqpa?!.

- Jatyn oryndaryńyz jaıly ma? Ózge eldiń taǵamdary  kóńilińizden shyǵyp jatyr ma?

- Jatyn bólmelerimiz sál tarlaý. Biraq, jyly taza. Tamaqtary da jaman emes. Eń bastysy et bar.

- Jattyǵýdan kelgen soń, bos ýaqytyńyzda nemen aınalysasyz?

- Bizde, siz oılaǵandaı bos ýaqyt joq.  Ár saǵatymyz keste boıynsha josparlanǵan.

- Olımpıadanyń jalpy sporttyń júgi aýyr. Osy salany tańdaǵanyńyzǵa ókinbeısiz be?

- Joq, ózimiz tańdap alǵan kásibimiz osy sport. Sondyqtan, bárine shydaý kerek.

- Áńgimeńizge rahmet! Sáttilik bolsyn!