Jańbyr, naızaǵaı, jel: 28-30 qyrkúıekke sınoptıkter boljamy
14:59, 27 Qyrkúıek 2023
<p>«Qazgıdromet» RMK 28-30 qyrkúıek kúnderi qalyptasatyn aýa raıyna boljamyn usyndy, dep habarlaıdy <a href="https://kaz.inform.kz/" target="_blank" rel="noopener">QazAqparat.</a></p>
Aldaǵy kúnderi respýblıkanyń basym bóliginde kún raıynyń qubylmaly sıpaty saqtalyp, jańbyr, naızaǵaı, ekpindi jel kútiledi.
Tek Qazaqstannyń batysynda soltústik-batys antıtsıklonynyń áserinen jaýyn-shashynsyz kún raıy áli de saqtalady.
Túnde jáne tańerteń eldiń soltústik jartysynda, respýblıkanyń ońtústik jáne ońtústik-shyǵysyndaǵy taýly aýdandarda tuman kútiledi.
Elimizdiń shyǵysynda 28-29 qyrkúıekte túngi ýaqytta 1-3 gradýsqa deıin úsik saqtalady.
Temperatýralyq fonda eleýli ózgerister kútilmeıdi, tek respýblıkanyń ońtústiginde, ońtústik-shyǵysynda aýa temperatýrasy kúndiz 17-23 jylyǵa deıin, taýly aýdandarda 8-13 jylyǵa deıin birtindep tómendeıdi.