Jańbyr, naızaǵaı, burshaq: 8 maýsymǵa jasalǵan kún raıy boljamy

<p>ASTANA. KAZINFORM &mdash; Qazgıdromet sınoptıkteri 8 maýsym, senbige arnalǵan aýa raıy boljamyn jarııalady.&nbsp;</p>

Atmosferalyq fronttardyń áserinen Qazaqstan terrıtorııasynyń basym bóliginde áli de qubylmaly turaqsyz aýa raıy saqtalady.

Naızaǵaı jarqyldap, jańbyr jaýady.

Elimizdiń batysynda, soltústiginde — qatty jańbyr jaýady, memleketimizdiń batysynda, soltústiginde, shyǵysynda burshaq bolady. 

Tek elimizdiń ońtústiginde jaýyn-shashyn jaýmaıdy, kún ashyq bolady.

Respýblıka boıynsha jel kúsheıedi, kúndiz ońtústik-batysta shańdy daýyl soǵady. 

Kúndiz Qyzylorda, Almaty, Jetisý oblystarynda qatty ystyq saqtalady, Qostanaı oblysynyń ońtústiginde de aptap bolady. .

Mańǵystaý, Túrkistan, Jambyl, Ulytaý, Qyzylorda, Batys Qazaqstan, Almaty, Aqtóbe, Atyraý, Qostanaı, Qaraǵandy, Abaı oblystarynda joǵary órt qaýpi bar. 

Túrkistan oblysynyń shóldi aýdandarynda, Atyraý oblysynyń soltústik-batysynda, ońtústiginde, soltústiginde, Batys Qazaqstan oblysynyń batysynda, Qyzylorda oblysynyń ońtústiginde, soltústik-shyǵysynda, ortalyǵynda, Mańǵystaý oblysynyń soltústiginde, ortalyǵynda, Aqtóbe oblysynyń ońtústiginde tótenshe órt qaýpi saqtalady.