Jańbyr, naızaǵaı, boran: Almatyda tabıǵat tosyn minez kórsetip jatyr

<p>ALMATY. KAZINFORM &mdash; Almatyda búgin keshke qaraı kún raıy kúrt buzyldy. Aspandy qara bult basyp, jel kóterilip, naızaǵaı oınap, qatty jańbyr men burshaq jaýdy.</p>

Megapolıs turǵyndary men qonaqtary tabıǵattyń tosyn minezin sýretke túsirip, áleýmettik jelide bólisip jatyr. 

2 GIS málimeti boıynsha, qalada 10 baldyq kólik keptelisi týyndady.

Almaty qalalyq Tótenshe jaǵdaılar departamentiniń baspasóz qyzmeti birneshe aýdanda aǵashtardyń qulaǵanyn habarlady.

«Qazirgi ýaqytta 109 qutqarý qyzmetiniń tehnıkasy men mamandary Almaly aýdany, Qazybek bı kóshesi, 65-úıdiń janynda aǵashtardyń qulaýy týraly habarlamalarǵa shyqty. Sondaı-aq Bostandyq aýdany, Shashkın men Popov kóshesiniń qıylysynda jáne Orbıta-3 shaǵyn aýdanynda aǵashtar jolǵa qulaǵan. Aýmaqty tazartý jumystary júrgizilýde», - dep habarlady departamentten.