Jańbyr, kóktaıǵaq, jel: Astana mańyna qatynaıtyn avtobýstardyń qozǵalysy toqtady

<p>Astanada aýa raıynyń buzylýynan, atap aıtqanda, jańbyr, kóktaıǵaq pen qatty jel saldarynan qala mańyna qatynaıtyn 6 baǵdardyń qozǵalysy toqtatyldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

CityTransportationSystems kompanııasynyń málimetine sáıkes, elorda mańyndaǵy eldi mekenderge baratyn № 300, 305, 310, 312, 328, 329 baǵdarlardyń qozǵalysy ýaqytsha toqtatyldy. Ózge qalamańy avtobýstarynyń jumysynda ózgeris joq.

«Qazgıdromet» RMK málimetinshe, búgin, 22 qarashada Astanada jeldiń ekpini 16-21 m/s jetedi. 23 qarashada kóktaıǵaq pen kúshi 23-28 m/s artatyn jel boljanyp otyr. 24 qarashada Astanada jaýyn-shashyn (negizinen qar), kóktaıǵaq kútiledi. Jeldiń jyldamdyǵy 15-20 m/s kúsheıýi yqtımal. Aýa temperatýrasy – túnde -2-4°S, kúndiz 0,+2°S.

Tótenshe jaǵdaılar departamenti dalada saq bolyp júrýdi, oqys jaǵdaı týyndaǵanda 112 telefony boıynsha shuǵyl qyzmetterge qońyraý shalýdy suraıdy.

Qazirgi ýaqytta qalanyń kommýnaldyq qyzmetteri kúsheıtilgen rejımde jumys istep jatyr.

Buǵan deıin habarlaǵanymyzdaı, aýa raıynyń nasharlaýynan tańerteń 3 óńirde 8 jol ýchaskesi jabyldy. Keıin respýblıkalyq mańyzy bar taǵy 3 jolda qozǵalysqa tyıym salyndy.