Jańbyr, burshaq, jel: 16 maýsymǵa arnalǵan aýa raıy boljamy

<p>ASTANA. KAZINFORM - <strong>Qazgıdromet jeksenbi, 16 maýsymǵa arnalǵan jalpy aýa raıy boljamyn jarııalady.</strong></p>

Sınoptıkterdiń boljamyna súıensek, elimizdiń basym bóliginde jańbyr jaýyp, naızaǵaı oınaıdy, alty oblysta qatty ystyq bolady.

Qazaqstan aýmaǵynyń basym bóliginde atmosferalyq frontaldy bólikter yqpal etedi. Naızaǵaı oınap, elimizdiń shyǵysynda nóser jańbyr, burshaq jaýady. Tek ońtústiginde jáne respýblıkanyń ortalyǵynda antıtsıklon yqpalymen aýa raıy jaýyn-shashynsyz bolady.

Respýblıka boıynsha jel kúsheıedi.

Kúndiz Batys Qazaqstan, Atyraý, Aqtóbe, Mańǵystaý, Qostanaı oblystarynyń keı jerlerinde, Qyzylorda oblysynda kún qatty ysıdy.

Ulytaý, Jambyl, Almaty oblystarynda, Batys Qazaqstanda, Aqtóbeniń ortalyǵynda, Mańǵystaý jaǵalaýynda, Aqmolanyń ońtústik-batysynda, Jetisýdyń soltústiginde, Abaı oblysynyń ortalyǵynda, Qaraǵandynyń ortalyǵynda, batysynda, Qostanaıdyń ońtústiginde, Shyǵys Qazaqstan, Qyzylorda oblystarynyń soltústik-batysynda, shyǵysynda joǵary órt qaýpi saqtalady.

Atyraý, Mańǵystaý, Túrkistan, Qyzylorda oblystarynda, Batys Qazaqstannyń batysynda, Aqtóbeniń ońtústiginde, batysynda, shyǵysynda, Jambyldyń ońtústiginde, Almatynyń ortalyǵynda, Qostanaıdyń ońtústiginde, Qaraǵandynyń ońtústiginde, Jetisýdyń shyǵysynda, Abaı oblysynyń ońtústiginde, Ulytaý oblysynyń ortalyǵynda tótenshe órt qaýpi bar.