Jańbyr, burshaq, jel: 13 maýsymǵa arnalǵan aýa raıy boljamy

<p>ASTANA. KAZINFORM - Atmosferalyq fronttardyń ótýine baılanysty 13 maýsymda elimizdiń basym bóliginde aýa raıy qubylmaly bolady. Jańbyr jaýady, kún kúrkireıdi.</p>

Respýblıkanyń soltústigi men shyǵysynda nóser jańbyr, burshaq jaýýy múmkin. Tek Qazaqstannyń soltústik-batysynda jáne ońtústik-batysynda jaýyn-shashyn bolmaıdy.

«Qazgıdromet» RMK málimetinshe, respýblıka boıynsha jel kúsheıedi.

Kúndiz Batys Qazaqstan, Atyraý, Aqtóbe, Mańǵystaý oblystarynda, Qostanaı oblysynyń ońtústiginde qatty ystyq bolady.

Batys Qazaqstan, Jambyl, Almaty oblystarynda, Jetisý, Ulytaý oblystarynda, Mańǵystaý, Túrkistan, Qostanaı oblystarynda, Aqtóbe oblysynyń soltústik-shyǵysynda, ońtústikte, Abaı oblysynyń ortalyǵynda, batysta, ońtústikte, Qaraǵandy ​​oblysynyń ortalyǵynda joǵary órt qaýpi bar.

Atyraý, Mańǵystaý, Túrkistan, Qyzylorda oblystarynda, Batys Qazaqstannyń batysynda, Aqtóbeniń ońtústiginde, batysynda, Jambyldyń shyǵysynda, soltústikte, Almaty oblysynyń ortalyǵynda, Qostanaı oblysynyń ońtústiginde, Jetisý oblysynyń soltústiginde tótenshe órt qaýpi saqtalady.