Jánibek Álimhanulynyń kezekti jekpe-jegi Qazaqstanda uıymdastyrylady – Sport mınıstri

<p>ASTANA. KAZINFORM &ndash; Qazaqstan boksshy Jánibek Álimhanulynyń kezekti jekpe-jegi elimizdiń aýmaǵynda uıymdastyrylýy múmkin. Bul týraly QR Týrızm jáne sport mınıstri Erbol Myrzabosynov málim etti.</p>

Búgin Májilistiń jalpy otyrysynda depýtat Rınat Zaıytov álemge tanymal Qazaqstan sportshylarynyń jekpe-jekterin eldiń óńirlerinde uıymdastyrý máselesin kóterdi.

«Álemdik deńgeıde eldiń nazary aýyp otyrǵan sport túrlerinde eki kókjalymyz bar. Bireýi - Shavkat Rahmonov, al ekinshisi - Jánibek Álimhanuly. Kezinde Gennadıı Golovkınniń bir jekpe-jegin Qazaqstanda kórýdi armandap edik. Týrızmdi damytý maqsatynda Shavkat pen Jánibek sııaqty sportshylardyń óz qarsylastarymen jekpe-jegin elimizdiń óńirlerinde ótkizetin múmkindik bar ma? ıAǵnı, Astana men Almatydan basqa qalalarda», - dep surady depýtat.

Óz kezeginde Erbol Myrzabosynov UFC 310 týrnırinde Shavkat orta salmaqtaǵy UFC chempıony Belal Mýhammadpen judyryqtasýy josparlanǵanyn, alaıda amerıkalyq-palestınalyq jekpe-jek sheberi densaýlyǵyna baılanysty jarysqa qatysa almaı qalǵanyn eske saldy. 

«Shavkat Rahmonov tıisti daıyndyqtan ótken bolatyn. Ókinishke qaraı, onyń qarsylasynyń densaýlyǵyna baılanysty bul jekpe-jek keıinge shegerildi. Al Jánibek Álimhanulyna toqtalsaq, sportshyǵa memleket tarapynan jáne azamattardyń qoldaýymen keleshekte elimizde bir jekpe-jegin uıymdastrýdy oılastyryp jatyrmyz», - dedi mınıstr.

Aıta keteıik, UFC-de álemge tanylǵan qazaqstandyq aralas jekpe-jek sheberi Shavkat Rahmonov kezekti kezdesýin jartylaı orta salmaqta (77 kelige deıin) UFC chempıony tıtýlynyń burynǵy ıegeri nıgerııalyq Kamarý Ýsmanǵa qarsy ótkizedi. 

Jekpe-jek Las-Vegasta (AQSh) 8 jeltoqsanda ótetin UFC 310 týrnırinde uıymdastarylady